વડોદરા: અમેરિકામાં વધુ એક ભારતીયની હત્યા થઈ છે. કૈલાશભાઈની અમેરિકામાં અજાણ્યા શખ્સોએ ગોળી મારીને હત્યા કરી છે. અમેરિકામાં જ્વેલર્સ શોપ ચવાલતા કૈલાશભાઈની હત્યા થઈ છે. મળતી માહિતી મુજબ 25 વર્ષે પહેલા કૈલાશભાઈ વડોદરા છોડીને અમેરિકા ગયા હતા.
અમેરિકામાં કૈલાશભાઈ જ્વેલર્સની દુકાન ચલાવે છે. શુક્રવારે જ્વેલર્સ સ્ટોર બંધ કરીને તેઓ પોતાની કારમાં ઘરે પરત ફરી રહ્યા હતા. ત્યારે ટ્રાફિક સિગ્નલ પર પાછળથી આવેલી કારે તેમની કારને ટક્કર મારી હતી. ત્યારબાદ કારમાંથી કેટલાક અજાણ્યા શખ્સોએ કૈલાશભાઈ સાથે ઝઘડો કર્યો હતો. આ દરમિઆન તેઓ કૈલાશભાઈને ગોળી મારીને ફરાર થયા હતા.
અમેરિકામાં વધુ એક ગુજરાતીની ગોળી મારી હત્યા
જ્વેલર્સ શોપ ચલાવતા કૈલાશભાઈની હત્યા
લૂંટારૂઓએ અંધાધૂધ ગોળીબાર કરી હત્યા
૨૫ વર્ષ પહેલા વડોદરાથી અમેરીકા ગયા હતા કૈલાસભાઈ#USA#Breaking#NRI#ShootOutpic.twitter.com/sfjpcC1VgC
આપને જણાવી દઇએ કે અમેરિકાના વર્જિન આયલેન્ડમાં જ્વેલરી શોપ ધરાવતા કૈલાશભાઇ આશરે 25 વર્ષ પહેલા પરિવાર સાથે અમેરિકા સ્થાઇ થયાં હતા. મૂળ વડોદરા વતની કૈલાશભાઇ ગતરોજ પોતાની જ્વેલરી શોપ બંધ કરીને ઘર તરફ જઇ રહ્યા હતા. ત્યારે રસ્તામાં આવતા સિગ્નલ પર એક કારે પાછળની ભાગથી તેમને ટક્કર મારી હતી.
જોકે આ ઘટના બાદ બંન્ને પક્ષે બોલાચાલી થતાં મામલો વધુ બિચકાયો હતો અને અન્ય કારમાં આવેલા લોકોએ કૈલાશભાઇ પર ફાયરિંગ કર્યું હતું. ફાયરિંગની આ ઘટનામાં મૂળ ગુજરાતી કૈલાશભાઇનું ઘટના સ્થળે મોત નિપજતા પરિવારજનો પર આભ તૂટી પડ્યું હતું.