વડોદરા: ડભોઇ નજીક 2 ટ્રક ધડાકાભેર અથડાઇ એકનું મોત 3 ઘાયલ

વડોદરા: ડભોઈ તાલુકા અંબાવ ગામ નજીક બે ટ્રકો સામસામે ભટકતા એક વ્યક્તિનું ઘટના સ્થળે જ મોત નિપજ્યું હતું. જ્યારે અન્ય 3 વ્યક્તિ આ અકસ્માતમાં ઇજાગ્રસ્ત થતાં તેમને વડોદરા ખાતે આવેલી હોસ્પિટલ ખાતે ખસેડવામાં આવ્યા હતા.

પરંતુ મહત્વની વાત એ છે બે ટ્રકો એટલી હદે ધડાકાભેર અથડાઇ હતી કે વડોદરા ફાયર બ્રિગેડની મદદ લેવામાં આવી હતી. ફાયર બ્રિગેડે ૩ કલાકની ભારે જેહમત બાદ ૩ વ્યક્તિઓને જીવિત બાહર કાઢવામાં સફળ થયાં હતા.

આ મામલે મળતી વિગત અનુસાર ગત રોજ રાત્રિના 9:30 કલાકની આસપાસ વડોદરાનાં ડભોઇ તાલુકાના અંબાવ ગામના પાટીયા પાસે બે ટ્રક વચ્ચે ગમખ્વાર અકસ્માતની ઘટના બની હતી. આ અકસ્માતમાં એક વ્યક્તિનું તો ઘટના સ્થળે જ મોત થયું હતું. 

જ્યારે ત્રણ વ્યક્તિઓને ત્રણ કલાકની ભારે જહેમત બાદ હતા. આ ઘટનાને પગલે આજુબાજુના ગામમાંથી લોકો દોડી આવ્યા હતા અને અકસ્માતમાં ઇજાગ્રસ્તોને બહાર કાઢવાની જહેમત ઉઠાવી હતી. પરંતુ અકસ્માત એટલી હદે ભયંકર હતો કે કેટલાક લોકોને બહાર કાઢવામાં મુશ્કેલી પડતી હતી.

જો કે આ ઘટનાની જાણ ફાયર વિભાગને કરવામાં આવતા જેને લઇ વડોદરાથી આવેલ ફાયર વિભાગની ટીમે ત્રણ કલાકની ભારે જહેમત બાદ આખરે ત્રણ લોકોને ઇજાગ્રસ્ત રૂપે બહાર કાઢ્યા હતા.