ગોલમાલ / ગુજરાતના સૌથી મોટા વોટરપાર્ક Wonderlandને વિશ્વામિત્રી નદીમાંથી લાખો ગેલન પાણી ચોરવાની છૂટ

• હાલ પણ આતાપીના સંચાલકો વાપરે છે ગેરકાયદેસર પાણી
• 50 હજાર લોકોને મળે તેટલું પાણી અતાપી વન્ડરલેન્ડમાં જાય છે
• મંજૂરી વગર કનેક્શન હોવા છતા તંત્ર દ્વારા નથી કરાતી કાર્યવાહી

વડોદરાના આતાપી વન્ડરલેન્ડમાં સતત ગેરકાયદેસર પાણીનો ઉપયોગ કરવામાં આવે છે. હાલમાં પણ આતાપીના સંચાલકો ગેરકાયદેસર પાણી વાપરી રહ્યા છે. વન્ડરલેન્ડમાં 50 હજાર લોકોને મળે તેટલુ પાણી વાપરવામાં આવે છે. 

મંજૂરી લીધા વિના વાપરી રહ્યુ છે પાણી

વન્ડર લેન્ડ કોઈપણ વિભાગની મંજૂરી લીધા વગર જ પાણી વાપરી રહ્યુ છે ડાયરેક્ટ કનેક્શન હોવા છતા તંત્ર દ્વારા કોઈ કાર્યવાહી કરાતી નથી. ત્યારે શું કોઈ મોટા માથા આ વન્ડરલેન્ડમાં રોકાણ કર્યુ છે કે પછી તંત્રને લાખો ગેલન પાણીની કોઈ વેલ્યુ જ નથી?

કેમ કાર્યવાહી નથી કરવામાં આવતી?

તંત્ર દ્વારા કાર્યવાહી ન કરવામાં આવતા અનેક સવાલ ઉઠી રહ્યા છે. શું અધિકારીઓની પણ આ ઘટમામાં સંડોવણી છે. તંત્ર દ્વારા કાર્યવાહી કેમ કરાતી નથી.