અઢી વર્ષના વર્ષના બાળકો કાં તો શેરીમાં રમતા હોય છે અથવા તો ઘરમાં બેઠા કોઈ જોડકણા ગોખતા હોય છે. પરંતુ વડોદરાની મૈત્રી જોશી નામની એક કુમળી બાલિકાની વાત જ ન્યારી છે. આટલી નાની ઉંમરમાં બાળકો જ્યારે જોડકણા ગોખવાનું શીખતા હોય છે ત્યારે આ બાળકી પ્રકાંડ પંડિતની જેમ સંસ્કૃત શ્લોકો કડકડાટ રીતે બોલી જાણે છે.
અઢી વર્ષની ઉંમરે પંડિતની ભાષા
બાળકી બોલે છે સંસ્કૃતના કડકડાટ શ્લોક
પ્રકાંડ પંડિતની જેમ લયબદ્ધ સંસ્કૃત શ્લોક બોલતી આ બાલિકાનું નામ છે મૈત્રી જોશી. આમ તો આ ઉંમરના બાળકો કે.જીના સ્તરની કવિતાઓ કંઠસ્થ કરવામાંથી રહ્યા હોય છે. પરંતુ આ બાળકી ભારતીય સંસ્કૃતિના રંગે રંગાઈ છે. અઢી વર્ષની મૈત્રી જોશી વૈદિક મંત્રોચ્ચાર દ્વારા પોતાની ક્ષમતા અને સંસ્કારનો પરિચય આપી રહી છે.
અઢી વર્ષની બાળકી કડકડાટ બોલે છે સંસ્કૃત શ્લોક
વડોદરાના વાસણા વિસ્તારમાં રહેતા મિતેશ જોશી અને પાયલ જોશીની પુત્રી મૈત્રી આજકાલ સંસ્કૃત શ્લોક પર પોતાની પકડના કારણે યૂ ટયૂબ પર પ્રસિદ્ધિ પામી રહી છે. અઢી વર્ષીય મૈત્રી જોશી લયબદ્ધ અને સ્પષ્ટ રીતે અઘરામાં અઘરા સંસ્કૃત શ્લોકોનું ઉચ્ચારણ કરી શકે છે.
22 વિડીયો યુ ટ્યુબ પર થયાં અપલોડ
નાનું બાળક કુમળા છોડ જેવું હોય છે. તેને કઈ દિશામાં વાળવું તે બાળકની ક્ષમતા અને માતા પિતાની સૂઝબૂઝ પર આધાર રાખે છે. વડોદરાના આ મિતેશ જોશી અને પાયલ જોશી દંપતીએ મૈત્રીની ક્ષમતા પારખીને તેને ભારતીય સંસ્કૃતિના શિક્ષણ તરફ વાળી છે. આ દંપતીએ પોતાની શ્લોક બોલતી પુત્રીના 22 વિડીયો યુ ટ્યુબ પર અપલોડ કર્યા છે, જેને 25 હજારથી વધુ લોકોએ જોયા છે. મૈત્રી અઢી વર્ષની હતી ત્યારથી મિતેશ અને પાયલ જોશી તેને શ્લોક અને મંત્રોચાર શીખવાડી રહ્યા છે,તેના માતા પિતાનો ઉદ્દેશ્ય છે કે, મૈત્રીના માધ્યમથી ધર્મની માહિતી લોકો સુધી પહોંચે.
મૈત્રીને તેના માતાપિતાએ એક દિશા આપી છે. આજે મૈત્રી વડીલોને પણ ન આવડે આવડે તેવા શ્લોકો કડકાડટ બોલી રહી છે. આ ઘટના વર્તમાન સમયમાં નાના બાળકોને મોબાઇલ પડકડાવી દેતા વાલીઓ માટે એક સંદેશ સમાન છે... જો બાળક ને યોગ્ય રસ્તે વાળવામાં આવે તો તેની આંતરિક શક્તિને બહાર લાવી શકાય છે.