વડોદરા: શિયાળાની શરૂઆત પહેલા જ સ્વાઈન ફ્લૂનો આતંક વડાદરામાં જોવા મળ્યો હતો. આ મામલે મળતી માહિતી અનુસાર શહેરમાં સ્વાઈન ફ્લૂના વધુ 3 પોઝિટિવ કેસ નોંધાયા છે.
શહેરમાં સ્વાઈન ફ્લૂનો આંકડો 17 પર પહોંચ્યો છે. શહેરની ખાનગી હોસ્પિટલોમાં 14 પોઝિટિવ કેસ અને સરકારી હોસ્પિટલમાં 3 પોઝિટિવ કેસ નોંધાયા છે. સ્વાઈન ફ્લૂના કેસ નોંધાતા તંત્ર દ્વારા તાકેદારીના પગલા પણ લેવામાં આવી રહ્યા છે.
સમગ્ર રાજ્યમાં સ્વાઇન ફ્લૂનો કહેર દિવસેને દિવસે વધી રહ્યો છે. ત્યારે રાજ્યના કોઇને કોઇ શહેરમાં દરરોજ સ્વાઇન ફ્લૂના પોઝીટિવ કેસ જોવા મળી રહ્યા છે. વડોદરા શહેરના ગાજરવાડી કપુરાઈ જ્યૂબિલી બાગ વાઘોડિયામાં વધારે પ્રમાણમાં સ્વાઈન ફ્લૂનો કહેર જોવા મળ્યો હતો.
દિવસને દિવસે વધી રહેલા સ્વાઇન ફ્લૂના કેસને કારણે સ્થાનિક નગરપાલિકાના આરોગ્ય ખાતા દ્વારા કોઇ પગલા નહીં લેવાયા હોવાનું પણ લોકમુખે ચર્ચાતું જોવા મળ્યું હતું. વડોદરા શહેર રોગચાળાનાં ભરડામાં છે ત્યારે તંત્ર દ્વારા તાત્કાલિક અસરથી પગલા ભરવામાં આવે તેવી લોકમાંગ ઉઠવા પામેલ છે.