વડોદરા કોર્પોરેશન સંચાલિત નગર પ્રાથમિક શિક્ષણ સમિતિ ની સ્કુલ ના 16 વિદ્યાર્થીઓ બાંગ્લાદેશ જશે, વિદ્યાર્થીઓ સ્કાઉટ ગાઈડ બની બાંગ્લાદેશમાં ભારત દેશ નું પ્રતનિધિત્વ કરશે. સમગ્ર ભારતમાંથી વડોદરા ની સરકારી સ્કુલ ના બાળકો ની પસંદગી થતાં વડોદરા નું નામ રોશન થયું છે.
17 ફેબ્રુઆરી થી 22 ફેબ્રુઆરી દરમિયાન કોક્ષ બઝાર માં યોજવાનો છે
વિશ્વના 216 દેશોમાં ચાલે છે સ્કાઉટ ગાઈડ
માત્ર ચાર માસમાં બાળકો ના પાસપોર્ટ બનાવડાવ્યા
વડોદરા કોર્પોરેશન સંચાલિત સરકારી સ્કુલ માં ગરીબ અને મધ્યમ વર્ગ ના બાળકો અભ્યાસ કરે છે. નગર પ્રાથમિક શિક્ષણ સમિતિ ની સ્વામી વિવેકાનંદ, સી વી રામન, મહર્ષિ અરવિંદ, હેડગેવાર, મા ભારતી પ્રાથમિક શાળાઓમાં ભણતા 16 બાળકો અને બે શિક્ષકો 14 ફેબ્રુઆરી ના રોજ વડોદરા રેલવે સ્ટેશન થી હાવરા એક્ષપ્રેસ ટ્રેન મા બેસી કોલકાતા જશે, ત્યાંથી બસમાં બેસી બાંગ્લાદેશ જશે.
17 ફેબ્રુઆરી થી 22 ફેબ્રુઆરી દરમિયાન કોક્ષ બઝાર માં યોજવાનો છે
જ્યાં તમામ બાળકો સ્કાઉટ ગાઈડ બની ભારત નું પ્રતનિધિત્વ કરશે. સ્કાઉટ ગાઈડ અંતર્ગત બીજો કોમ્યુનિટી બેઝડ કેમ્પ બાંગ્લાદેશ ખાતે 17 ફેબ્રુઆરી થી 22 ફેબ્રુઆરી દરમિયાન કોક્ષ બઝાર માં યોજવાનો છે. જે કેમ્પ નો હેતુ બાંગ્લાદેશ ની સ્કાઉ ટિંગ પ્રવૃત્તિઓને નજીક થી જોવાનો છે. બાળકો ને એજ્યુકેશન ટુર અંતર્ગત કેમ્પ દરમિયાન દરિયાકિનારે તંબુઓમાં રોકાણ પણ કરવું પડશે જેની માહિતી શિક્ષણ સમિતિ ના ચેરમેન અને વિદ્યાર્થી એ આપી.
વિશ્વના 216 દેશોમાં ચાલે છે સ્કાઉટ ગાઈડ
સ્કાઉટ ગાઈડ એ આંતરરાષ્ટ્રીય પ્રવુતિ છે, જે વિશ્વના 216 દેશોમાં ચાલે છે. સ્કાઉટ ગાઈડ માં શિસ્ત, સેવા, સહકાર, સંપ, ચારિત્ર્ય, ઘડતર, સાહસ, સ્વદેશ, સંગઠન જેવા ઉચ્ચ ગુણોનું ઘડતર કરી આદર્શ નાગરિક બનવાની પ્રવુતિઓ કરાવવામાં આવે છે. તેમાં સ્વચ્છતા અભિયાન, માર્ચ, પાસ્ટ, કુકિંગ, પ્રાથમિક સારવાર જેવી પ્રવુતિઓ પણ કરાવાય છે.
માત્ર ચાર માસમાં બાળકો ના પાસપોર્ટ બનાવડાવ્યા
મહત્વની વાત છે શિક્ષણ સમિતિ ના અધિકારીઓ એ માત્ર ચાર માસમાં બાળકો ના પાસપોર્ટ બનાવડાવ્યા. શિક્ષણ સમિતિ ના વિપક્ષ ના સભ્ય એ બાળકો ના બાંગ્લાદેશ પ્રવાસ પર ચિંતા વ્યક્ત કરી છે. સભ્ય એ માંગ કરી છે કે નાગરિકતા કાયદા ને લઈ જે રીતે વિરોધ થઈ રહ્યો છે ત્યારે બાંગ્લાદેશ માં વિદ્યાર્થીઓ અને શિક્ષકો ની સુરક્ષા નું ખાસ ધ્યાન રાખવામાં આવે.