VTV વિશેષ / વડનગરના શિક્ષકનો દીકરો હવે IPL માં મચાવશે તરખાટ: 15 વર્ષની મહેનત જાણી કરશો સલામ

• વડનગરના શિક્ષકનો દીકરો હવે IPL માં મચાવશે તરખાટ
• IPLના ખેલાડીઓની હરાજી ઉર્વીલ પટેલની પસંદગી 
• ગુજરાતે હરાજીમાં ઉર્વીલ પટેલને 20 લાખમાં ખરીદ્યા

હાલમાં જ IPLના ખેલાડીઓની હરાજી યોજાઈ હતી. જેમાં પાલનપુરની પંચશીલ સોસાયટીમાં રહેતા ઉર્વીલ પટેલની પસંદગી IPLમાં થઈ છે. જેથી ઉર્વિલના કોચ, માતા-પિતા સહિત પાલનપુરમાં ખુશીનો માહોલ છવાયો છે. ઉર્વિલના પિતા એક શિક્ષક છે અને મુળ વડનગરના વતની છે. ઉર્વિલ છેલ્લા 15 વર્ષની આકરી મહેનત કરી રહ્યો હતો. માહિતી મુજબ તે સવારે 4 વાગ્યે ઉઠીને તે ક્રિકેટ રમવા પહોંચી જતો હતો ત્યારે આ IPLમાં તેની મહેનતનું ફળ મળ્યુ છે. 

પાલનપુરમાં રહેતા એક શિક્ષક પરિવારના પુત્ર ઉર્વીલ પટેલે અભ્યાસની સાથે સાથે ક્રિકેટ ને પહેલી પસંદગી બનાવી ક્રિકેટમાં મન પરોવી છેલ્લા 15 વર્ષથી સતત મહેનત કરતા આ વખતે તેની IPLમાં એટલે કે ઇન્ડિયન પ્રીમિયર લીગમાં પસંદગી થતા ઉર્વીલ પટેલના પરિવાર નાં તેમ જ તેમના કોચ અને પાલનપુર શહેર જિલ્લામાં ખુશી વ્યાપી ગઈ હતી. 

દેશ નાં વડાપ્રધાનના ગામ વડનગરનાં વતની અને પાલનપુર સ્થાઈ થયેલા પાલનપુર માં પંચશીલ સોસાયટીમાં રહેતા શિક્ષક દંપતીનાં પુત્ર ઊર્વીલ પટેલની આઇપીએલમાં પસંદગી થતાં પરિવાર હાલ ખુશી અનુભવી રહ્યો છે ઉર્વિલ્નાં પિતાનું કહેવું છે કે, ઊર્વિલ્ નાનપણથી ક્રિકેટમાં રુચિ ધરાવતો હતો.તેને ક્રિકેટ નો લગાવ હતો વહેલી સવારે 4 વાગે ઉઠી ને કોચિંગ ક્લાસમાં જઈ મહેનત કરતો તેની મહેનત જોઈ તેનું સપનું પૂરું કરવા માટે અમે તેને અભ્યાસ માં પણ રાહત આપી ક્રિકેટ માટે સપોર્ટ કર્યો અને આજે અમારા પુત્ર એ અમારું સપનું પૂરું કર્યું.એની એમને ખુશી છે.

ગત શુક્રવારે IPL 2023ની મિની ઓક્શનમાં તમામ 10 ટીમોએ ઓલરાઉન્ડર અને બોલરો પર મોટો દાવ રમ્યો હતો. પરંતુ ડિફેન્ડિંગ ચેમ્પિયન ગુજરાત ટાઇટન્સે હરાજીમાં સાત ખેલાડીઓ પર બોલી લગાવી હતી. ટીમે વિદેશી ખેલાડીઓ તરીકે અનુભવી કેન વિલિયમસન અને ઓડિન સ્મિથ પર બોલી લગાવીને શિવમ માવીને છ કરોડ ચૂકવીને પોતાની ટીમમાં સામેલ કર્યો. આ સાથે T20 વર્લ્ડ કપમાં હેટ્રિક લેનાર આયર્લેન્ડના ખેલાડી જોશુઆ લિટલ પર પણ દાવ લગાવ્યો છે.કેપ્ટન હાર્દિક પંડ્યાની ટીમે 4.4 કરોડની કિંમત સાથે જોશુઆ લિટલને સામેલ કર્યો છે. ગુજરાતના પર્સમાં 19.25 કરોડ રૂપિયા બાકી છે.

IPL 2023ની મિની ઓક્શનમાં ખરીદાયેલા 80 ખેલાડીઓમાંથી 70% આ કેટેગરીમાં વેચાયા હતા, જ્યારે 30% બેટ્સમેન (વિકેટકીપર સહિત)ને બિડ મળી હતી. રૂ. 206.5 કરોડમાંથી, 10 ફ્રેન્ચાઇઝીએ રૂ. 103.95 કરોડ એટલે કે 62.25% ઓલરાઉન્ડરો પર ખર્ચ્યા. 10 ટીમોએ 80 ખેલાડીઓ પર 167 કરોડ રૂપિયા ખર્ચ્યા.

ગુજરાતે હરાજીમાં આ ખેલાડીઓને ખરીદ્યા

• શિવમ માવી - 6 કરોડ
• જોશુઆ લિટલ - 4.4 કરોડ
• કેન વિલિયમસન - 2 કરોડ
• કેએસ ભારત - 1.20 કરોડ
• ઓડિન સ્મિથ - 50 લાખ
• મોહિત શર્મા - 50 લાખ
• ઉર્વીલ પટેલ - 20 લાખ

ગુજરાત જાયન્ટ્સની સંપૂર્ણ ટીમઃ

હાર્દિક પંડ્યા (કેપ્ટન), કેન વિલિયમસન, અભિનવ સદારંગાની, અલઝારી જોસેફ, બી.જે. સાઈ સુદર્શન, દર્શન નલકાંડે, ડેવિડ મિલર, જયંત યાદવ, મેથ્યુ વેડ, મોહમ્મદ શમી, નૂર અહેમદ, શિવમ માવી, પ્રદીપ સાંગવાન, જોશુઆ લિટલ, કેએસ ભરત, ઓડિન સ્મિથ, આર. સાઈ કિશોર, રાહુલ તેવટિયા, રાશિદ ખાન, શુભમન ગિલ, વિજય શંકર, રિદ્ધિમાન સાહા, યશ દયાલ, ઉર્વીલ પટેલ, મોહિત શર્મા.