વડનગરમાં એક આશા વર્કર મહિલાનો કોરોના રિપોર્ટ પોઝિટીવ આવતા હવે ગુજરાતમાં ઓમીક્રોનનાં પાંચ કેસ થઈ ગયા છે.
ગુજરાતમાં ઓમિક્રોન વેરિઅન્ટનો 5 મો કેસ
વડનગરની આશા વર્કર મહિલા કોવિડ પોઝિટીવ
2500 મુસાફરોનો ટેસ્ટ કરાયો
આજે ગુજરાતમાં ઓમિક્રોન વેરિઅન્ટનો 5 મો કેસ નોંધાયો હતો. વડનગરની એક આશા વર્કર મહિલાનો ઓમિક્રોન પોઝિટિવ આવતાં હવે ગુજરાતમાં કુલ પાંચ કેસ ઓમીક્રોનનાં થઈ ગયા છે.
ઝિમ્બાબ્વેથી આવેલા મુસાફરના સંપર્કમાં આવી હતી મહિલા
આ આશા વર્કર મહિલા કોન્ટેક્ટ ટ્રેસિંગ દરમિયાન વિગતો સામે આવી હતી જેમાં તેનો ટેસ્ટ કરવામાં આવતા પોઝિટિવ આવ્યો હતો. ઝીમ્બાબ્વેનાં આ મુસાફરનાં સંપર્ક આવેલ તમામ વ્યક્તિઓના કોન્ટેક્ટ ટ્રેસ કરવા દરમિયાન રિપોર્ટ કરવામાં આવ્યા હતા.
ઓમિક્રોન સામે આવતા વધુ 10 વ્યક્તિના ઓમિક્રોન ટેસ્ટ કરાવાયા
આ ઘટના બાદ તંત્ર હવે દોડતું થઈ ગયું છે. કોન્ટેક્ટ ટ્રેસિંગ કરવાની ઝડપ વધારવામાં આવી છે અને હવે આ દરમિયાન બીજા 10 વ્યક્તિના ઓમિક્રોન ટેસ્ટ કરાવાયા છે. તેના રિઝલ્ટ પરથી જ ખ્યાલ આવશે કે હવે ગુજરાતમાં કેટલી ઝડપે ઓમીક્રોન ફેલાવાનો છે.
હાલમાં ગુજરાતમાં ઓમિક્રોન પોઝિટિવના કુલ 5 કેસ
આ સંદર્ભે આજે આરોગ્ય વિભાગના અધિક મુખ્ય સચિવ મનોજ અગ્રવાલનુ નિવેદન આવ્યું હતું. તેમણે એ વાતની પુષ્ટિ કરી હતી કે ઓમીક્રોન નવો કેસ નોંધાયો છે અને હવે રાજ્યમાં કુલ 5 કેસ નોંધાયા છે.
ક્યાં કેટલા કેસ? જાણી લો
હવે ગુજરાતમાં 3 કેસ જામનગરમાં, 1 કેસ સુરતમા અને 1 કેસ મહેસાણામાં નોંધાય છે.
2500 મુસાફરોનાં ટેસ્ટ
મનોજ અગ્રવાલે એમ પણ કહ્યું હતું કે નોટ એટ રિસ્ક દેશમાંથી આવતા 2500 મુસાફરો ટેસ્ટ કર્યા છે. તેમણે કહ્યું હતું કે મહેસાણાનાં પોઝિટિવ આવેલા બહેનના સંબંધી ઝિમ્બામ્બેથી આવ્યા હતા. જેના તેઓ સતત સંપર્કમાં હતા. આ બેન સરકાર સાથે જ આશા વર્કર તરીકે કામ કરે છે. તેમણે કહ્યું હતું કે બીજા રાજ્યમાં પણ કેસ પોઝિટિવ છે. ગુજરાતની સાપેક્ષે બીજા રાજ્યોમાં કેસ હજુ ઓછા છે.