ગુજરાત સરકારનો 5 હજાર વેક્સિન સેન્ટરનો દાવો કરી રહી છે, પરંતુ કોવિન એપ પર માત્ર 2721 કેન્દ્રો જ એક્ટિવ છે, અનેક શહેરોમાં વેક્સિનની અછત સર્જાઈ
રાજ્યમાં સ્પોટ વેક્સિનેશન શરૂ થતા વેક્સિન ખુટી
રાજ્યમાં ઠેર-ઠેર વેક્સિનની અછતની ફરિયાદો
મોટા શહેરમાં અનેક વેક્સિનેશન સેન્ટરો બંધ કરાયા
રાજ્યમાં સ્પોટ વેક્સિનેશન શરૂ થતા વેક્સિનની અછત સર્જાઇ છે. રાજ્યમાં ઠેર-ઠેર વેક્સિનની અછતની ફરિયાદો મળી રહી છે. મોટા શહેરમાં અનેક વેક્સિનેશન સેન્ટરો બંધ કરાયા છે. રાજ્ય સરકારનો 5 હજાર વેક્સિન સેન્ટરનો દાવો કરી રહી છે. પરંતુ કોવિન એપ પર માત્ર 2721 કેન્દ્રો જ એક્ટિવ છે. અમદાવાદમાં દરરોજ 1 લાખ વેક્સિનના ટાર્ગેટનો ફિયાસ્કો થયો છે. દૈનિક 30થી 32 હજાર વેક્સિન ડોઝ અપાય છે. રાજ્ય સરકારે કેન્દ્ર પાસેથી વધુ જથ્થાની માંગણી કરી છે. 21 જૂનથી વેક્સિનનો તમામ જથ્થોની કેન્દ્ર સરકાર ફાળવણી કરે છે. વેક્સિનનો વધુ જથ્થો ન મળતા મહાઅભિયાનને ફટકો પડ્યો છે. શહેર વિસ્તારમાં સેન્ટર પર દૈનિક 200 ડોઝ અપાય છે. ગ્રામ્ય વિસ્તારમાં દૈનિક 100 ડોઝ આપવામાં આવે છે.
રાજકોટ જિલ્લામાં 100% વેક્સિનેશન પૂર્ણ કરવા માટે તંત્રએ કવાયત હાથ ધરી છે. પરંતુ રાજકોટ મનપામાં પણ કોરોના રસીની અછત જોવા મળી રહી છે. મનપાના વેક્સિન કેન્દ્રો પર કોવિશીલ્ડ રસીનો સ્ટોક ખૂટ્યો છે. 18થી 44 વર્ષના લોકો માટે કોવિશીલ્ડનો જથ્થો પૂર્ણ થઈ જતા હોબાળો થયો હતો. કોવિશીલ્ડનો બીજો ડોઝ લેવા આવતા યુવાનોમાં નિરાશા જોવા મળી હતી. તમામ રસીકરણ કેન્દ્ર પર કો-વેક્સિનની રસી અપાઇ રહી છે.
રાજ્યમાં મોટે ઉપાડે વેક્સિનેશનની જાહેરાત કર્યા બાદ હવે ઠેર ઠેર વેક્સિનની અછત જોવા મળી રહી છે. સુરતમાં અનેક સેન્ટરોમાં વેક્સિનની અછત સર્જાવાની સમસ્યાઓ સર્જાઈ છે. વેક્સિનની અછતના કારણે 230 સેન્ટરોમાંથી 100 જેટલા વેક્સિન સેન્ટરો બંધ કરવાની ફરજ પડી છે. મહત્વપૂર્ણ છે કે અનેક સેન્ટરો બંધ થતા વેક્સિન લેવા ઈચ્છુક લોકોએ ચાલુ સેન્ટરો પર વેક્સિન લેવા માટે લાઈનો લગાવી હતી.
સુરતમાં વેક્સિનના 100 જેટલા સેન્ટર બંધ
વેક્સિનેશન મહાઅભિયાનને લઇ પ્રશ્નો ઉભા થયા છે. સુરતમાં વેક્સિનનો જથ્થો ખુટી પડ્યો છે. પુણા વિસ્તારમાં વેક્સિન લેવા માટે લાઇનો લાગી છે. સુરતમાં 100 વેક્સિન સેન્ટર બંધ કરી દેવાયા છે. વેક્સિન સેન્ટર બંધ થતા અન્ય સેન્ટરો પર ભારણ વધ્યું છે. જથ્થાના પ્રમાણમાં વધુ લોકો વેક્સિન લેવા ઉમટ્યા છે. શું આવી રીતે ત્રીજી લહેરથી બચી શકાશે?