કોરોનાની ત્રીજી લહેરની આગાહી હવે ધીમે ધીમે લોકોની ચિંતા વધારી રહી છે ત્યારે દરેક માતાપિતાની ચિંતા છે કે બાળકોને રસી ક્યારે આપવામાં આવશે?
બાળકોને હમણાં નહીં આપી શકાય વેક્સિન
કોવિશિલ્ડ અને કોવેક્સિન બન્ને કોરોનાના તમામ વેરિએન્ટ પર છે અસરકારક
કોવિશિલ્ડ અને કોવેક્સિન બન્ને કોરોનાના તમામ વેરિએન્ટ પર છે અસરકારક
કોરોનાની ત્રીજી લહેરની આગાહી હવે ધીમે ધીમે લોકોની ચિંતા વધારી રહી છે ત્યારે દરેક માતાપિતાની ચિંતા છે કે બાળકોને રસી ક્યારે આપવામાં આવશે? આ સવાલનો જવાબ ICMRના ડૉક્ટર બલરામ ભાર્ગવે આપતા કહ્યું છે કે ગર્ભવતી મહિલાઓને વેક્સિન લગાવી શકાય છે. સાથે જ બળકોને વેક્સિન લેવી કે નહીં તે માટે હજી વધુ રાહ જોવી પડશે. સ્વાસ્થ્ય મંત્રાલય દ્વારા કહેવામાં આવ્યું છે કે ગર્ભવતી મહિલાઓને વેક્સિન લગાવી શકાય છે. બાળકોને વેક્સિન આપવા માટે હજી અમારી પાસે પૂરતા આંકડા નથી આવ્યા એટલે હાલ ભારત બાળકોની વેક્સિન લગાડવાની સ્થતિમાં નથી. તેમણે કહ્યુ કે શું નાના બાળકોને વેક્સિન જરૂરિયાત છે કે નહીં તે પણ એક સવાલ છે.
કોરોનાના આલ્ફા, બીટા, ગામા અને ડેલ્ટા વેરિએન્ટ પર અસરકારક છે સ્વદેશી વેક્સિન
ભારત સહિત આખું વિશ્વ કોરોના વાયરસ સામે લડી રહ્યો છે. વાયરસ વાંરવાર પોતાનું સ્વરૂપ બદલે છે જેમાં અમુક વેરિયન્ટ ખૂબ જ ખતરનાક હોવાથી કેસની સંખ્યામાં વધારો જોવા મળે છે. ભારતમાં અને દુનિયામાં કોરોના વાયરસના ડેલ્ટા વેરિયન્ટના કારણે હાહાકાર જોવા મળ્યો હતો ત્યારે કોરોના વાયરસની વેક્સિન તેના પર કેટલી અસરકારક છે તેને લઈને મોટી જાણકારી સામે આવી રહી છે. સરકાર દ્વારા આયોજિત કરવામાં આવેલ પત્રકાર પરિષદમાં આ મુદ્દે મોટી જાહેરાત કરવામાં આવી છે.
કોવિશિલ્ડ અને કોવેક્સિન બન્ને કોરોનાના તમામ વેરિએન્ટ પર છે અસરકારક
ICMRના ડિરેક્ટર જનરલ ડૉક્ટર બલરામ ભાર્ગવે મહત્વની જાણકારી આપતા કહ્યું કે કોરોનાના આલ્ફા, બીટા, ગામા અને ડેલ્ટા વેરિએન્ટ પર સ્વદેશી વેક્સિન અસરકારક છે. આ સાથે જ તેમણે કહ્યું કે કોવિશિલ્ડ અને કોવેક્સિન બન્ને કોરોનાના તમામ વેરિએન્ટ પર અસરકારક છે.
ડેલ્ટા પ્લસ વેરિએન્ટ પર 10 દિવસમાં મળશે પરિણામ
જોકે ભારતમાં હવે ડેલ્ટા પ્લસ વેરિયન્ટ નવો આવ્યો છે જેના કેસ જુદા જુદા રાજ્યોમાં વધી રહ્યા છે ત્યારે આ વેરિયન્ટ પર કોરોનાની રસી અસર કરે છે કે નહીં તે સવાલ પર ICMRએ કહ્યું કે ડેલ્ટા પ્લસ વેરિએન્ટ પર અમે કરી રહ્યા છે પરીક્ષણ, 7થી 10 દિવસમાં મળી જશે. નોંધનીય છે કે દેશના 8 રાજ્ય આંધ્રપ્રદેશ, દિલ્લી, હરિયાણા, કેરળ, મહારાષ્ટ્ર, પંજાબ, તેલગંણા, બંગાળમાં કોરોના વાયરસનો ડેલ્ટા પ્લસ વેરિયન્ટ જોવા મળ્યો છે.
ગર્ભવતી મહિલાઓ માટે વેક્સિન ફાયદાકારક
આ મુદ્દે ICMRના જનરલ ડારેક્ટર ડૉ બલરામ ભાર્ગવ દ્વારા એવું કહેવામાં આવ્યું કે ગર્ભવતી મહિલાઓ માટે પણ વેક્સિન ખરેખરમાં ફાયદાકારક છે. જેથી તેમણે ગર્ભવતી મહિલાઓને કોઈ પણ સંકોચ વગર વેક્સિન લગાવીની સલાહ આપી છે.
સ્વાસ્થય મંત્રાલય દ્વારા ગાઈડલાઈન જાહેર કરાઈ
વધુંમાં તેમણે કહ્યું કે સ્વાસ્થ્ય મંત્રાલય દ્વારા આ મામલે ગાઈડલાઈન પણ જાહેર કરી દેવામાં આવી છે. જેથી હવે ગર્ભવતી મહિલાઓને વેક્સિન લેવામાં કોઈ વાંધો નહી આવે. ગર્ભવતી મહિલાઓ કોવિશિલ્ડ તેમજ કોવેક્સિન એમ બંને વેક્સિન લઈ શકે છે. વેક્સિનથી બાળક અને માતાને કોઈ પણ પ્રકારનો ખતરો નથી
ડેલ્ટા વેરિએંટ 12 દેશોમાં જોવા મળ્યો
સમગ્ર મામલે ICMRના ચીફે એવું પણ કહ્યું કે કોરોના વાયરસનો ડેલ્ટા પ્લસ વેરિએંટ હાલ દુનિયાના 12 દેશોં જોવા મળ્યો છે. જેમા ભારતમાં પણ તે જોવા મળ્યો છે. પરંતુ હાલ તે નીચલા સ્તરે છે. સાથેજ તેમણે એવું પણ કહ્યું કે આ વેરિએંટ આગળ જતા વધારે પ્રમાણમાં ફેલાશે તેવા કોઈ પણ સંકેત હાલમાં નથી દેખાઈ રહ્યા.