નવી શરૂઆત / વૅક્સિન ટુરિઝમ: કોરોનાની રસી આવી નથી પણ તેનું ટુરિઝમ ચાલુ થઈ ગયું, પેકેજની કિંમત 1.75 લાખ રૂપિયા

• શું કોરોના વેક્સિન પ્રવાસનની સંજીવની બનશે?
• ટૂર કંપનીની ઓફર, પ્રવાસે જાઓ અને રસી લગાવડાવો 
• અમેરિકામાંઅ ટૂરની ઓફર આપી રહી છે કંપની 

મહિનાઓ લાંબી કઠોર મહેનત અને સંશોધનને પરિણામે હાલ જ્યાં વિશ્વ ભરની સરકારો અને લોકોની આશા જરા બળવત્તર બની છે કેમ કે ઘણી બધી કોરોના વેક્સિન એકીસાથે પરિક્ષણોના અંતિમ કે એપ્રુવલ સ્ટેજમાં પહોંચી ચૂકી છે. આ સમયે જ્યાં ફાઈજર અને બાયોન્ટેક અને મોડર્નાની કોરોના રસી 90 થી 95 ટકા સુધી પ્રભાવક હોવાનું સામે આવ્યું છે ત્યાં જ ઓક્સફોર્ડ યુનિવર્સિટીની રસી 70 ટકા જેટલી કાર્યક્ષમ હોવાનું બહાર આવ્યું છે. 

વેક્સિન શું પ્રવાસન ઉદ્યોગ માટેની સંજીવની ?

જો કે હજુ સુધી જ્યાં કોઈ પણ કોરોના વેક્સિન 100 ટકા જેટલી પ્રભાવક સાબિત થઈ નથી, પરંતુ દર જતાં દિવસે તેની પ્રભાવકતા  વધી જરૂર શકે છે. જો કે આ બધાની વચ્ચે કોરોના વેક્સિન જ્યાં માત્ર લોકોના જીવન માટે બચાવ તરીકે ઉપયોગમાં આવી શકે તેમ છે ત્યાં આ વેક્સિન પ્રવાસન ઉદ્યોગ માટે પણ નવી સંજીવની પુરવાર થઈ શકે છે. 

હાલના સમયમાં જ્યાં અમુક દેશોમાં કોરોના વેક્સિન વહેલી આવી જવાની સંભાવના છે ત્યાં પ્રવાસીઓને મોકલીને તેમને સૌથી પહેલા વેક્સિન મળી શકે તેવી પ્રકારની સુવિધા સાથે ખાસ વેક્સિન  હાલના સમયમાં જ્યાં અમુક દેશોમાં કોરોના વેક્સિન વહેલી આવી જવાની સંભાવના છે ત્યાં પ્રવાસીઓને મોકલીને તેમને સૌથી પહેલા વેક્સિન મળી શકે તેવી પ્રકારની સુવિધા સાથે ખાસ વેક્સિન ટુરિઝમની નવી પહેલ કરવામાં આવી રહે છે, હવે જોવાનું એ રહે છે કે શું આ પ્રકારની સ્ટ્રેટેજી કોરોના કાળમાં પ્રવાસન ઉદ્યોગને એક નવી દિશા આપી શકે છે કે કેમ ?

મુંબઈની કંપની આપી રહી છે પેકેજ 

મુંબઇની એક ટ્રાવેલ કંપની જેમ ટુર એન્ડ ટ્રાવેલ વેક્સિન ટૂરિઝમ પેકેજ લાવી છે. આ કંપનીએ અમેરિકાના ટૂર પેકેજ ની ઘોષણા કરી છે, નોંધનીય છે કે કોરોના રસી અમેરિકામાં 11 ડિસેમ્બર પછીથી મળવાની સંભાવના રહેલી છે. સામાન્ય પણે એવી શક્યતા છે કે ફાઇઝર રસી 12 ડિસેમ્બરથી યુ.એસ. માં લોકોને મળી રહેશે.આમ આ સમયમાં જનારા પ્રવાસીઓને આ વેક્સિન મળી રહે તેવો વિચાર છે. 

માહતી પ્રમાણે આ  પેકેજની કિંમત 1 લાખ 75 હજાર રૂપિયા છે જેમાં મુંબઇથી ન્યૂ યોર્કની રાઉન્ડ મુસાફરી અને 3 રાત અને 4 દિવસ અને રસીના ખર્ચનો સમાવેશ થાય છે. ટૂર કંપની હાલમાં ફાઇઝરની રસીના આધારે આ ઓફર કરી રહી હોય તેવું જણાઈ રહ્યું છે. 

હાલ કોઈ એડવાંસ રકમની જરૂર નથી 

જો કે ટૂર ઓપરેટરે જણાવ્યુ હતું  આ પેકેજ માટે કોઈ એડવાન્સ કે ડિપોઝીટ રકમની હાલ જરૂર નથી, પરંતુ માત્ર સામાન્ય નોંધણી પ્રક્રિયા અંતર્ગત ગ્રાહકો રસી પ્રવાસ માટે અરજી કરી શકે છે. આ માટે, તમારે ફક્ત મેઇલ આઈડી, ફોન નંબર અને પાસપોર્ટની જરૂર પડશે. પરંતુ મર્યાદિત લોકો ફક્ત આ ટૂર પર જ લઈ શકાય છે, તેથી કંપની તેમને પહેલી તક આપશે જે પહેલા નોંધણી કરશે.