પોઝિટીવ ન્યૂઝ / 6 દેશોએ કોરોનાને હરાવ્યો : ક્યાંક હવે માસ્કની જરૂર નહીં, તો ક્યાંક 97 ટકા કેસ ઘટી ગયા

• બ્રિટન, અમેરિકા, ઈઝરાયલ, સ્પેન, ફ્રાન્સ અને જર્મનીમાં કોરોનાના કેસો ઘટવા લાગ્યા 
• બ્રિટનની 49 ટકા વસતીનું રસીકરણ, કેસોમાં 97 ટકાનો ઘટાડો 
• ઈઝરાયલમાં 61 ટકા વસતીનું રસીકરણ
• અમેરિકામાં કોરોનાના કેસોમાં થયો 80 ટકાનો ઘટાડો 
• સ્પેન, ફ્રાન્સ અને જર્મનીમાં પણ પરિસ્થિતિ સુધરી રહી છે

બ્રિટનમાં 97 ટકા કેસો ઘટી ગયા
બ્રિટનમાં વેક્સિનેશને સૌથી મોટો ચમત્કાર કરી દેખાડ્યો છે. બ્રિટનની 49 ટકા વસતીનું રસીકરણ કરી દેવાયું અને તેનાથી 97 ટકા કેસો ઘટી ગયા. 8 ડિસેમ્બરે જ્યારે દેશમાં રસીકરણનો પ્રારંભ થયો ત્યારે દેશમાં રોજના 60 થી 70 હજાર કેસો આવતા હતા. પરંતુ રસીકરણ બાદ હવે ફક્ત રોજના 2,000 કેસો આવી રહ્યાં છે.

ઈઝરાયલ થયો દુનિયાનો પહેલો કોરોના મુક્ત દેશ, માસ્ક પહેરવું ફરજિયાત નહીં 
ઈઝરાયલમાં હવે માસ્ક પહેરવું ફરજિયાત નથી. સ્કૂલ અને કોલેજો તથા કારોબાર ફરી શરુ થઈ ચૂક્યા છે. બજાર ખુલ્લા છે. પ્રવાસીઓની અવરજવર પણ શરુ થઈ છે. અહીંની 61 ટકા વસતીનું રસીકરણ થયું છે. અને 2-3 મહિનામાં 90 ટકા રસીકરણનું સરકારનું લક્ષ્યાંક છે. 

અમેરિકાની સ્થિતિ સુધરી, કોરોનાના કેસોમાં થયો 80 ટકાનો ઘટાડો 
ભારતમાં હાલમાં જેવી સ્થિતિ છે બરાબર તેવી જ સ્થિતિ સપ્ટેમ્બરથી જાન્યુઆરીમાં અમેરિકાની હતી. ત્યાં દરરોજ 1 થી 3 લાખ કેસો નોંધાતા હતા. તે વખતે પ્રમુખની ચૂંટણી પણ થઈ તેમ છતાં પણ અમેરિકાએ હાર ન માની અને અત્યંત ઝડપથી થયું વેક્સિનેશન. પરિણામે આવ્યું કે આજે કોરોનાના કેસોમાં 80 ટકાનો ઘટાડો આવ્યો છે. 

સ્પેન, ફ્રાન્સ અને જર્મનીમાં પણ કોરોનાના કેસોમાં સતત ઘટાડો 

રસીકરણને કારણે સ્પેન, ફ્રાન્સ અને જર્મનીમાં પણ પરિસ્થિતિ સુધરી રહી છે. સ્પેનમાં જાન્યુઆરી સુધી 25-30 હજાર કેસો આવી રહ્યાં હતા પરંતુ હવે 8 થી પણ ઓછા કેસો નોંધાઈ રહ્યાં છે. દેશમાં અત્યાર સુધી 20 ટકા રસીકરણ થયું છે. ફ્રાન્સમાં 18.73 ટકા તો જર્મનીમાં 20.07 ટકા રસીકરણ થયું છે.