કેન્દ્ર સરકારની એક પેનલ દેશમાં આગામી બે અઠવાડિયામાં બૂસ્ટર ડોઝ અને બાળકો માટે વેક્સિન નીતિ તૈયાર કરી લેશે તેવું સૂત્રોએ જણાવ્યું છે.
2 અઠવાડિયામાં બાળકો માટે વેક્સિન નીતિ તૈયાર થશે
જાન્યુઆરથી બાળકોના વેક્સિનેશનની કામગીરી શરુ થશે
NTAGIની આગામી અઠવાડિયે મોટી બેઠક મળશે
બાળકોના કોરોના વેક્સિનેશન અને બૂસ્ટર ડોઝ સંબંધિત નિર્ણય લેવા માટે કેન્દ્ર સરકારની પેનલ NTAGIની આગામી અઠવાડિયામાં મોટી બેઠક મળી રહી છે જેમાં આ સંબંધિત નિર્ણય લેવામાં આવશે. સૂત્રોએ જણાવ્યું કે બીમારીઓથી પીડિત બાળકોના વેક્સિનેશનની પ્રક્રિયા જાન્યુઆરથી શરુ થશે. બાળકોના વેક્સિનેશન સહિત ઘણા મહત્વના મુદ્દે સરકારની ટોચની પેનલ આગામી અઠવાડિયે ચર્ચા કરશે. નેશનલ ટેક્નીકલ એડવાઈઝરી ગ્રુપ ઓન ઈમ્યુનાઈઝેશન (NTAGI) ની આગામી અઠવાડિયે બેઠક મળવાની છે તેમાં કોરોના વેક્સિનના બૂસ્ટર ડોઝ અંગે વ્યાપક કાર્યયોજના તૈયાર કરવામાં આવી શકે છે.
NTAGIની બેઠકમાં બાળકોના વેક્સિન અંગેની નીતિ તૈયાર કરાશે તેવું સૂત્રોએ જણાવ્યું છે.
જાન્યુઆરીમાં બીમારીથી પીડિત બાળકોનું વેક્સિનેશન શરુ થઈ શકે છે
જાન્યુઆરીમાં બીમારીથી પીડિત બાળકોનું વેક્સિનેશન શરુ થઈ શકે છે જ્યારે માર્ચ સુધી બાકીના બાળકોનું વેક્સિનેશન શરુ થઈ શકે છે. હાલમાં તો સરકાર હર ઘર દસ્તક અભિયાન દ્વારા તમામ માટે કોરોના વેક્સિનની તૈયારી કરી રહી છે.
અમેરિકા, જર્મની, ઇઝરાયલ સહિત ઘણા દેશોમાં બૂસ્ટર ડોઝ અપાઈ રહ્યો છે, ભારતમાં સંભવ
વિશ્વના ઘણા દેશોમાં કોરોના રસીનો બે ડોઝ લેનારા નાગરિકોને બુસ્ટર ડોઝ આપવામાં આવી રહ્યો છે. અમેરિકા, જર્મની, ઇઝરાયલ સહિત ઘણા દેશો આ લિસ્ટમાં સામેલ છે. અમેરિકા, યુરોપના બાળકોએ પણ કોરોના વેક્સિન આપવાનું શરૂ કર્યું છે. ઘણા દેશોમાં, બે વર્ષથી વધુ વયના બાળકોને કોવિડ રસી આપવાની કવાયત શરૂ થઈ ગઈ છે. જોકે ભારતમાં તેને મંજૂરી આપવાની બાકી છે. કોવેક્સિન, ઝિડસ કેડિલા સહિતની ઘણી કંપનીઓ બાળકો માટે કોરોના વેક્સિન બનાવવામાં વ્યસ્ત છે. ભારતના આરોગ્ય નિષ્ણાતો ગંભીર રીતે બીમાર, વૃદ્ધો, આરોગ્ય કર્મચારીઓ અને ફ્રન્ટલાઇન કામદારોને કોરોના રસીનો બુસ્ટર ડોઝ આપવાની હિમાયત કરી રહ્યા છે.