કોવિડ 19 / રસી વિતરણ માટે આવી હોઈ શકે છે સરકરની બ્લ્યુપ્રિન્ટ, SMS, QR કોડ વાળું સર્ટીફીકેટ, જાણો બીજું શું હશે

• એક્સપર્ટ પેનલ બનાવી રહી છે બ્લ્યુપ્રિન્ટ
• ચૂંટણી અભિયાનની જેમ હશે વિતરણ વ્યવસ્થા 
• લોકોને SMS મોકલીને જાણ કરવામાં આવશે

ભારતમાં હાલમાં કોરોના વાયરસનો પ્રકોપ ચાલી રહ્યો છે, અને તેને જોતા

 ખૂબ જ ઝડપથી હાલમાં દેશમાં આ મુદ્દે રસી વિકસાવવાની કામગીરી ચાલી રહી છે, ઓક્સફોર્ડ યુનિવર્સીટીની કોવીશીલ્ડ નામની રસી, ભારત બાયોટેકની કોવેક્સિન અને ઝાયડસની ઝાય-કોવ-ડી નામની રસી ઉપર હાલમાં સંશોધન ચાલી રહ્યું છે, જે હ્યુમન ત્રયાલ્ના આખરીઓ સ્ટેજમાં હોવાનું કહેવાય છે. 

રશિયાની વેકસીનના ટ્રાયલને પણ મળી ગઈ છે મંજૂરી 

આ સિવાય ભારતમાં રશિયાની કોરોણા રસી સ્પુતનિક v નું ટ્રાયલ કરવાની પરમીશન પણ મળી ગઈ છે, આ બધી પ્રગતિ જોતા આગામી વર્ષના આરમ્ભ સુધીમાં દેશને રસી મળી જાય તેવી સંભાવના છે, જેને લઈને સરકાર હાલમાં રસી વિતરણ વ્યવસ્થા ઉપર ખૂબ જ ઝડપથી કામ કરી રહી છે. આ માટેની બ્લ્યુપ્રિન્ટ તૈયાર કરવામાં આવી રહી છે.  જેમાં લોકોને sms પાઠવવામાં આવશે જેમાં તેમના રસીકરણનો સમય અને સ્થળની વિગતો લખેલ હશે. આ સિવાય તેમણે QR કોડના રૂપે સર્ટીફીકેટ પણ આપવામાં આવશે.

એક ખાનગી અખબારની રીપોર્ટ પ્રમાણે રસીકરણનો કાર્યક્રમ બિલકુલ ચૂંટણી અભિયાનની જેમ જ ચલાવવામાં આવશે.શાળાઓના વિશાળ નેટવર્કને હેલ્થ ફેસીલીટીના રૂપે વાપરવામાં આવશે. હાલમાં એક્સપર્ટ પેનલ આ રસીકરણ કાર્યક્રમની ડીઝાઈન બનાવવામાં ગોઠવાયેલું છે. 

PM મોદીએ સંબોધી હતી બેઠક 

ગયા અઠવાડિયે PM મોદીએ એક્સપર્ટ વેક્સિન ગ્રુપની એક ઉચ્ચસ્તરીય બેઠકને સંબોધી હતી જેમાં તેમણે આ કામ  માટે ચૂંટણી અભિયાનની જેમ કામ કરવાની સલાહ આપી હતી. હાલમાં પ્રસ્તાવિત રસીકરણ અભિયાન માત્ર સ્વાસ્થ્ય કેન્દ્રો સુધી સ્મિત ન રહેતા આ અભિયાન માટે શાળાઓના ઇન્ફ્રાસ્ટ્રકચરનો પણ ઉપયોગ થઈ શકે છે. જેમાં બૂથ લગાવી શકાય છે. 

સૂત્રોનું કહેવું છે કે આ કામ માટે ઇલેક્ટ્રોનિક વેક્સિન ઇન્ટેલિનજન્સ નેટવર્કની મદદ લેવામાં આવશે. સ્વદેશી રીતે વિકસિત આ સિસ્ટમની મદદથી વેક્સિનનો ડોઝ પામેલાઓની પણ ટ્રેકિંગ કરી શકાશે. જો કે હાલમાં આ સિસ્ટમમાં એ ખાસિયત નથી અને માત્ર કોલ્ડ સ્ટોરેજથી આરોગ્ય કેન્દ્ર સુધી લાવવા માટેની જાણકારી તેમાં મેળવી શકાય છે.