કોરોના વેક્સીનને લઇ ચિંતાજનક સમાચાર આવી રહ્યા છે. નિષ્ણાતોના જણાવ્યા અનુસાર કોરોના વેક્સીનથી વિશ્વમાં આર્થિક-સામાજિક અંતર વધવાનો ખતરો શક્ય છે. વિશ્વમાં અસમાનતા વધવાનો ખતરો હોવાની સાથે
યૂરોપ અને ઉત્તરી અમેરિકાના દેશોમાં મોટા પ્રમાણમાં કોરોના વેક્સીનનો સંગ્રહ કરી રહ્યા છે, તો વિકાસશીલ અને ગરીબ દેશ હજુ પણ વેક્સીન નથી લઇ શક્યા. આ સ્થિતિ રહી તો કમજોર દેશોની અર્થવ્યવસ્થા વધુ પડી ભાગશે અને સાથે જ આર્થિક અને સામાજિક અંતરના કારણે વિશ્વને 153 અરબ ડોલરનું નુકસાન થઇ શકે છે.
વેક્સીનને લઇ ચિંતાજનક સમાચાર
વિશ્વમાં આર્થિક-સામાજિક અંતર વધવાનો ખતરો
વિશ્વને 153 અરબ ડોલરનું નુકસાન થઇ શકે
વિકાસશીલ દેશોને બમણું નુકસાન થશે
ઈંગ્લેન્ડના સંક્રામક રોગ વિશેષજ્ઞ માર્ક એક્લેસ્ટન ટર્નરના આધારે દુનિયાને માટે આ શરમની વાત છે કે લોકો સુધી વેક્સીન જરૂરિયાતના બદલે રૂપિયાના આધારે પહોંચી રહી છે. ભારતમાં વેક્સીન ઉત્પાદનની ક્ષમતા છે, તો એસ્ટ્રાજેનેકા વેક્સીન બનાવી રહી છે. આ સાથે 2024 પહેલાં ભારતીય આબાદીને વેક્સીન નહીં લગાવી શકાય. 2025 સુધી ધનવાન દેશોની સરખામણીએ વિકાસશીલ અને ઉભરતી અર્થવ્યવસ્થામાં મહામારીથી નુકસાન બમણું થશે.
દેશો વચ્ચે વેક્સીનના આધારે પડશે ભાગલા
લોકોને વેક્સીન જરૂરતની જગ્યાએ પૈસાના આધાર પર મળી રહી છે . ભારતમાં 2024 પહેલા તમામ લોકોને વેક્સીન નહીં મળી શકે એવી માહિતી મળી રહી છે. 2025 સુધી વિકસિત દેશો સામે વિકાસશીલ દેશોને અર્થવ્યવસ્થામાં નુકસાન થશે અને સાથે જ કોરોના વેક્સીન વાળા અને વેક્સીન વિનાના દેશો વચ્ચે ભાગ પડી જશે.
સૌથી મોટી જરૂરિયાત પર હિત થશે હાવિ
સંયુક્ત રાષ્ટ્ર કોન્ફરન્સમાં વૈશ્વીકીકરણના નિર્દેશક રિચર્ડ કોઝુલ રાઈટ કહે છે કે હાલમાં વેક્સીન માનવતા માટે મોટી જરૂરિયાત છે. આ સાથે ફાર્મા કંપનીઓ અને વિકસિત દેશોનું નિયંત્રણ છે. વિશ્વ સ્વાસ્થ્ય સંગઠન અને બિલ મેલિંડા ગેટ્સ ફાઉન્ડેશનના તત્વાવધાનમાં એક્ટ એક્સીલરેટર પાર્ટનરશીપે નબળા દેશો સુધી વેક્સીન પહોંચાડવાનું બીડું ઝડપ્યું છે. તેમની પાસે 5 અરબ ટીકા ઉપલબ્ધ છે. જ્યારે લક્ષ્ય 38 અરબનું છે.