આરોગ્ય વિભાગ / ગુજરાતમાં એકસાથે બે દિવસ રસીકરણ રહેશે બંધ, રાજ્યમાં કુલ 4.45 કરોડ લોકોને અત્યાર સુધીમાં કોરોનાની રસી આપી દેવાઈ

• ગુજરાતમાં બે દિવસ રસીકરણ બંધ 
• 29 અને 30 ઓગસ્ટે નહીં મળે કોરોનાની રસી
• જન્માષ્ટમીની રજાઓને પગલે રસીકરણ બંધ

ગુજરાતમાં બે દિવસ રસીકરણનો કાર્યક્રમ બંધ રહેશે. જન્માષ્ટમીની રજાઓને પગલે બે દિવસ કોરોનાની રસી આપવાનો કાર્યક્રમ બંધ રહેશે. આગામી 29 અને 30 ઓગસ્ટે ગુજરાતમાં રસીકરણ બંધ રાખવામાં આવ્યું છે. ગુજરાતમાં કુલ 4.45 કરોડ લોકોને અત્યાર સુધીમાં કોરોનાની રસી આપી દેવાઈ છે. જેમાં 3.34 કરોડ લોકોને પહેલો ડોઝ મળી ચુક્યો છે. બંને ડોઝ લેનારાઓની સંખ્યા 1.10 કરોડ ઉપર પહોંચી છે. 

ત્રીજી લહેર પહેલા સરકારની તૈયારી કેટલી?

દેશમાં સંભવિત ત્રીજી લહેર મુદ્દે DYCM નીતિન પટેલે નિવેદન આપતા કહ્યું કે, ત્રીજી લહેર મામલે અમે પણ ચિંતિત છીએ. નિષ્ણાતો અલગ અલગ તારણો આપે છે.તૈયાર રહેવાથી સરકાર ઉંઘતી ન ઝડપાય તેની કાળજી છે. રાજ્યની તમામ હોસ્પિટલમાં ઓક્સિજન બેડ વધારાશે. દાન આપવા જેને દબાણ કરવું પડે તેને કર્યું છે.

અસારવા ખાતે આકાર પામેલી 1200 બેડ હોસ્પિટલની મુલાકાત
અમદાવાદના અસારવા વિસ્તારમાં આકર પામેલી કેન્સર હોસ્પિટલની નાયબ મુખ્યમંત્રી નિતિન પટેલે મુલાકાત કરી હતી. અસારવા ખાતે આકાર પામેલી 1200 બેડ હોસ્પિટલની અદ્યતન સુવિધાઓ સાથે કેન્સર હોસ્પિટલની સાધનો વસવામાં આવ્યા છે. જેમાં  વિશ્વસ્તરની સુવિધાઓ સાથે દર્દીઓને કેન્સર હોસ્પિટલમાં મેળવી શકે તેવી મશીનીરી વિકસાવવામાં આવ્યા છે. ત્યારે 1200 બેડની કેન્સર હોસ્પિટલ મુલાકાત અંગે નાયબ મુખ્યમંત્રીએ જણાવ્યું હતું, ગુજરાતના આરોગ્ય વિભાગ દ્વારા સમગ્ર અદ્યતન હોસ્પિટલોમાં આરોગ્ય સેવા પુરી પાડવામાં આવે છે. જેમાં કેન્સરની સારવાર કરવી હોય તો અમદાવાદ કેન્સર હોસ્પિટલમાં જવું પડે તેવું કહેવાતું હતું.

પરંતુ અદ્યતન હોસ્પિટલ નિર્માણ, અનેક જિલ્લાઓ અને સુવિધાના કારણે ગુજરાતના જ નહીં પણ આંતરરાજ્યના એટલે કે રાજસ્થાન, મહારાષ્ટ્રના દર્દીઓ પણ સિવિલ કેન્સર હોસ્પિટલમાં સારવાર માટે આવે છે. જેમાં રાજ્યમાં કેન્સરની સારવાર આપવા માટે નવા અદ્યતન સાધનો, વ્યવસ્થાઓ વધારવામાં આવી છે. કેન્સરની સારવાર માટે સ્પેશિયલ ટ્રીટમેન્ટ આપવા માટે પણ કુલ 75 કરોડના મશીનો વસાવવામાં આવ્યા છે. આ મશીનો થોડા સમયમાં કાર્યરત થઈ જશે.