ઉત્સવ / ઉત્તરાયણ : પતંગ ઉડાડવા કેટલા લોકો થઈ શકશે ભેગા? જુઓ શું કહ્યું DyCM નીતિન પટેલે?

• પતંગ ઉડાવવાની મળી શકે છે મંજૂરી
• 'ટૂંક સમયમાં નિયમોની જાહેરાત કરાશે'
• 'વધુ લોકો ધાબા પર ભેગા ન થાય તે જરૂરી'

ઉત્તરાયણમાં પતંગ ઉડાડવવાની મળી  મંજૂરી શકે છે. આ અંગે ઉત્તરાયણ મુદ્દે નીતિન પટેલનું નિવેદન સામે આવ્યું છે જેમાં તેમણે જણાવ્યું હતુ કે, ટૂંક સમયમાં નિયમોની જાહેરાત કરાશે. વધુ લોકો ધાબા પર ભેગા ન થાય તે જરૂરી છે. હાલ કોરોના સામે આપણે લડી રહ્યા છીએ એવામાં ઉજવણી કોરોના વકરાવી શકે છે. એક આગાસી પર 50થી વધુ લોકો એકત્ર નહી થવા દેવાય. 

પતંગ બજાર અવઢવમાં

અમદાવાદ અને રાજ્યભરમાં ઉત્તરાયણના પર્વની નાના બાળકોથી લઇ તમામ લોકો રાહ જોઈ બેઠા હોય છે ત્યારે આ વર્ષે પતંગ બજારમાં મંદીનો માહોલ જોવા મળી રહ્યો છે. ઉત્તરાયણના પર્વને એક 15 દિવસ જેટલો સમય બાકી છે. આ સમયગાળામાં હોલસેલ બજારમાં વેપારીઓની વ્યસ્તતા વધી જતી હોય છે. પરંતુ હાલ કોવિડના કારણે ઉતરાયણની ઉજવણીને લઈને પણ લોકોની સાથે વેપારીઓમાં અસમંજસતાના માહોલ વચ્ચે પતંગ બજારમાં મંદી જોવા મળી છે. વેપારીઓનું માનીએ તો આ વખતે માત્ર 25 થી ૩૫ ટકા જ વેપાર જોવા મળી રહ્યો છે.

પતંગ બનાવનાર અને દોરી બનાવનાર કારીગરો પણ 50 ટકા જ આવ્યા

કાચા માલ, જેમકે પતંગ બનાવવા માટેની સળીનો ભાવ વધ્યો, જેની સામે પતંગના ભાવમાં ગત વર્ષની સરખામણીએ હાલ 10 ટકા ઘટ્યો છે. 1 કોડી પતંગની કિંમત હોલસેલમાં રૂપિયા 15 થી લઈ 300 સુધીનો છે. અમદાવાદમાંથી ગુજરાત સિવાય, રાજસ્થાન, મધ્યપ્રદેશ, મહારાષ્ટ્રમાં પતંગોની નિકાસ થતી હોય છે, પરંતુ આ વખતે આ રાજ્યોમાંથી પણ વેપાર નથી. હાલ કોવિડ અને અમદાવાદમાં રાત્રી કરફ્યુના કારણે લોકો આવતા ડરી રહ્યા છે. માત્ર એટલુ જ નહીં આ વખતે પતંગ બનાવનાર અને દોરી બનાવનાર કારીગરો પણ 50 ટકા જ આવ્યા છે.

પતંગ બઝારમાં મંદીનો માહોલ જોવા મળ્યો

કોરોનાનું ગ્રહણ પતંગ બઝારમાં પણ જોવા મળ્યું અમદાવાદની પતંગ બઝારમાં VTV ન્યૂઝની ટિમ પહોંચી ત્યારે પતંગ બઝારમાં મંદીનો માહોલ જોવા મળ્યો. પતંગ બઝારમાં એક રૂપિયાથી લઇ 25 રૂપિયા સુધીની પતંગ જોવા મળી રહી છે. છેલ્લા દિવસોમાં વેચાણ વધશે તેવી વેપારીઓને આશા છે. કોરોનાના કારણે બહારગામના વેપારીઓ આ વર્ષે આવતા ખરીદી કરવા નથી આવ્યા ત્યારે સાંભળો વેપારીનો વેદના.

કોરોનાના કારણે દર વર્ષની સરખામણીએ ઓછી માત્રામાં ખરીદી કરી

 કોરોનાની અનિશ્ચિતતાના સમયમાં અન્ય જિલ્લા કે શહેરોમાંથી પતંગની ખરીદી માટે આવતા લોકો પણ કોરોનાના કારણે દર વર્ષની સરખામણીએ ઓછી માત્રામાં ખરીદી કરી રહ્યા છે.