ઉત્તર પ્રદેશના સિકંદરામાં પોતાની બહેનને સારવાર અર્થે લાવેલા ભાઈને CHCના ડૉક્ટર્સ અને સ્ટાફ દ્વારા માર મારવામાં આવ્યો છે. જાણો વિગતવાર
ઉત્તર પ્રદેશમાં ડૉક્ટરની મનમાની
દર્દીના ભાઈને માર માર્યો
મારામારીનો વીડિયો વાયરલ
ઉત્તર પ્રદેશમાં ડૉક્ટરની મનમાની
ઉત્તર પ્રદેશના સિકંદરામાં પોતાની બહેનને સારવાર અર્થે લાવેલા ભાઈને CHCના ડૉક્ટર્સ અને સ્ટાફ દ્વારા માર મારવામાં આવ્યો છે. જેનો વીડિયો સોશિયલ મીડિયામાં વાયરલ થઇ રહ્યો છે. મળતી માહિતી મુજબ, ગીતા કટિયાર નામની મહિલાની તબિયત બગડતાં તેના ભાઈ મહેન્દ્ર કટિયાર તેને સારવાર માટે CHC લઈ ગયા હતા. જ્યાં ભાઈ મહેન્દ્રએ ડૉક્ટર્સની સારવાર સામે વાંધો ઉઠાવ્યો હતો. જેથી ડોક્ટર્સ અને સ્ટાફે તેને લાતો અને મુક્કાથી મારવાનું શરૂ કર્યું અને તેને બહાર ફેંકી દીધો.
દર્દીના ભાઈને માર માર્યો
ડોક્ટર્સ અને સીએચસીનો સ્ટાફ જ્યારે મહેન્દ્ર સાથે મારપીટ કરી રહ્યો હતો ત્યારે ત્યાં હજાર યુવકે તેનો વિડીયો બનાવીને સોશિયલ મીડિયા પર વાયરલ કરી દીધો. વિડીયો સામે આવ્યા બાદ સીએચસીનાં ડોકટરો અને સ્ટાફની અરાજકતા સામે આવી ગઈ. ત્યાર બાદ મહેન્દ્રએ પોલીસ સ્ટેશન પહોંચીને ફરિયાદ કરી.
બંને પક્ષે કરી હતી મારામારી
આ વિસ્તારના ખરસણમાં રહેતા વિમલ કટિયારનો હવાસપુર હોસ્પિટલમાં હાજર સ્ટાફ સાથે વિવાદ થયો હતો. મોડી રાત્રે હવાસપુર સીએચસીના કર્મચારી સુરેશચંદ્ર રાયદાસની ફરિયાદ પરથી પોલીસે ખરસણના રહેવાસી વિમલ, ખાલા ગામના શિવમ, નામાંકિત પાંચ અને ચારથી પાંચ અજાણ્યા શખ્સો સામે સરકારી કામમાં અવરોધ, તોડફોડ વગેરેનો ગુનો નોંધ્યો છે. બીજી તરફ, સામા પક્ષે શિવમની ફરિયાદના આધારે પોલીસે શુભમ અને સીએચસી અધિક્ષક સામે મારપીટ અને મોબાઈલ તોડવાની કલમો હેઠળ ગુનો નોંધ્યો છે. સ્ટેશન ઈન્ચાર્જ મંગલપુર અમરેન્દ્ર બહાદુર સિંહે જણાવ્યું કે બંને પક્ષોની ફરિયાદ પર કાર્યવાહી કરવામાં આવી છે.