ઉત્તરપ્રદેશમાં સતત વધતા કેસને લઇને ફરીથી લૉકડાઉન લગાવવામાં આવી રહ્યું છે. ઉત્તરપ્રદેશમાં આવતીકાલ શુક્રવાર રાત્રે 10 વાગ્યાથી 13 જુલાઇ સવારના 5 વાગ્યા સુધી લૉકડાઉનનો આદેશ જાહેર કરી દેવામાં આવ્યો છે.
આવતીકાલે 10 વાગ્યાથી 13 જૂલાઈ સુધી રહેશે લોકડાઉન
13 જૂલાઈના સવારે 5 વાગ્યા સુધી રહેશે લોકડાઉન
10 જૂલાઈથી 13 જૂલાઈ સુધી યુપીમાં રહેશે લોકડાઉન
કોરોનાકાળ વચ્ચે દેશના સૌથી મોટા રાજ્ય ઉત્તરપ્રદેશથી મોટા સમાચાર મળી રહ્યા છે. ઉત્તરપ્રદેશમાં ફરી એકવાર લૉકડાઉનની જાહેરાત કરવામાં આવી છે. 10 જુલાઈની રાત્રે 10 વાગ્યાથી લૉકડાઉનની જાહેરાત કરવામાં આવી છે. યુપીમાં 10 જુલાઈથી 13 જુલાઈ સુધી લૉકડાઉન રહેશે. માત્ર જીવન જરૂરી વસ્તુઓ સિવાય તમામ બંધ રહેશે. આ દરમિયાન હોસ્પિટલ અને અન્ય જરૂરી સામાનની દુકાન ખુલશે.
આપને જણાવી દઈએ કે યુપીમાં હાલ કોરોનાના 9 હજાર જેટલા એક્ટિવ કેસ છે. જ્યારે કુલ કેસની સંખ્યા 31 હજારને પાર પહોંચી ગઈ છે. ઉત્તરપ્રદેશમાં વધતા કોરોનાના કેસ પર નિયંત્રણના પ્રયાસો હેઠળ મુખ્ય સચિવ રાજેન્દ્ર તિવારીએ લૉકડાઉનના આદેશ જાહેર કર્યા છે. આ દરમિયાન તમામ શહેર અને ગ્રામ્ય વિસ્તારોની બજારો, લારી, ગલ્લા, શાકમાર્કેટ અને કાર્યાલય બંધ રહેશે.