મકરસંક્રાંતિ એટલે કે ઉતરાયણ ને હવે થોડા દિવસો બાકી છે ત્યારે તેની ઉજવણી માટે તડામાર તૈયારી થઇ રહી છે આ દિવસોમાં પતંગ ઉડાડવાનું ખુબ મહત્વ છે. ત્યારે બજારો વિવિધ જાતની પતંગ અને દોરાથી ઉભરાય રહી છે ત્યારે 2019ની ચૂંટણીની અસર પણ પતંગો ઉપર જોવા મળી રહી છે.
પતંગોનો ઉત્સવ તરીખે જેને ઉજવામાં આવે છે તે મકરસંક્રાંતિને માત્ર 10 દિવસ બાકી છે. ત્યારે દરેક આ ઉત્સવ ઉજવાની તૈયારીમાં પડી ગયા છે. બજારો વિવિધ જાતની પતંગો અને દોરાથી ભરાય ગયા છે. આ વર્ષના આકર્ષણ જોવા જઈ તો પતંગમાં વિવિધ પિક્ચર કે ફોટા વાળી પતંગો એ ખાસ આકર્ષણ જમાવી રહેલ છે.
જેમાં TV'માં આવતી સિરિયલના ફોટા વાળી કાર્ટૂનના ફોટો દોરેલ પતંગ અને ખાસ આકર્ષણ તો આવનાર 2019ની ચૂંટણીને લઈ પતંગો ઉપર ખાસ નરેન્દ્ર મોદી અને રાહુલ ગાંધીના ફોટો સાથેની પતંગોએ જગાવેલ છે આવી પતંગો ઉપર મોદી v/c રાહુલ સહિતની પતંગો આકર્ષણ જમાવી રહેલ છે જે જોતા આ માકરસંક્રાતિના દિવસે આકાશમાં મોદીનો પતંગ રાહુલના પતંગ સાથે પેચ લડતો દેખાશે.
આ ઉપરાંત આ સાથે પતંગ ઉપર બેટી બચાવો બેટી બઢાઓ સહીતના પતંગો પણ જોવા મળી રહેલ છે સાથે સાથે આ વર્ષે વેપારીઓ પણ સજાગ દેખાય રહેલ છે દર વર્ષે ચાયનીઝ દોરાની જગ્યાએ ઓછા કાચના માઝા ચડાવેલ બરેલીના કોટનના દોરા ઉપર ખાસ વેચાણમાં ધ્યાન આપી રહેલ છે.
આ વર્ષે પતંગમાં જે વિવિધતા જોવા મળી રહી છે. તેવી જ રીતે દોરામાં પણ પરિવર્તન જોઈ શકાશે. કારણ કે થોડા વર્ષોથી ચાયનીઝના જે પ્લાસ્ટિકના દોરાએ સ્થાન લીધું હતું તેને સરકારની કડકાઈ અને લોકોમાં આવેલ જાગૃતિને કારણે ઓછો વપરાશ થશે. વેપારીઓ પણ આ વર્ષે ચાયનીઝના પ્લાસ્ટિકના દોરાની જગ્યાએ કોટનના ઓછા કાચના માઝા ચડાવેલ દોરા વધુ વેચાય તેવા પ્રયત્ન કરી રહેલ છે અને લોકોને અને ખાસ તો બાળકોને આ બાબતે સમજાવી રહેલ છે.
જેથી મકરસંક્રાત ઉપર જીવલેણ બનતા ચાયનીઝ દોરાથી કોઈ મોટી દુર્ઘટનાના બને પક્ષીઓને નુકસાનના થાય તે માટે કોટનના દોરા વાપરવા માટે સમજાવી રહેલ છે અને બાળકો પણ આ બાબતને ગંભીર લઇને કોટનના દોરા પ્રત્યે વળે છે.
2019ની ચૂંટણીને હજુ તો વાર છે ત્યારે આ મકરસંક્રાત ઉપર આકાશમાં પતંગ યુદ્ધમાં રાહુલ અને મોદીની પતંગો કાપશે તે નક્કી છે ત્યારે પક્ષીઓની દરકાર કરીને ઓછા નુકસાન થાય તેવા દોરા અને પતંગ વપરાય તે જરૂરી છે.