રાજ્યભરમાં ઉત્સાહ પૂર્વક ઉતરાયણની ઉજવણી કરવામાં આવી હતી ત્યારે દર વર્ષની જેમ આજે પણ અમદાવાદમાં ઉત્તરાયણના તહેવારની ધૂમ જામી હતી. જો કે, આ સાથે જ ગુજરાતના રાજકીય આગેવાનોએ અમદાવાદમાં સમર્થકો સાથે ઉજવણી કરી હતી. કેન્દ્રીય ગૃહમંત્રી તથા ભાજપના રાષ્ટ્રીય અધ્યક્ષ અમિત શાહ અમદાવાદમાં કનકકલા ખાતે પતંગ ચગાવીને ઉત્તરાયણ પર્વની ઉજવણી કરી હતી.
રાજ્યભરમાં ઉત્સાહ પૂર્વક ઉતરાયણની ઉજવણી
વહેલી સવારે પવનની મંદ ગતિના કારણે લોકોમાં નિરાશા
બપોરે જામી ઉંધીયુ-જલેબીની જયાફત
જ્યારે રાજ્યના મુખ્યપ્રધાન વિજય રૂપાણી અશોક પટેલના નિવાસ સ્થાને પહોંચીને પતંગ ચગાવી હતી. તો પક્ષના પીઢ નેતા જીતુ વાઘાણી ગોદરેજ ગાર્ડન સિટીમાં ઉતરાયણ મનાવી હતી. જ્યારે મેયર બિજલ પટેલ તેમના નિવાસ સ્થાને AMCના કાઉન્સિલરો સાથે ઉત્તરાયણ પર્વની ઉજવણી કરી હતી. તો રાજ્ય ગૃહમંત્રી પ્રદિપસિંહ વસ્ત્રાલમાં સમર્થકો સાથે રહ્યા હતા અને ઉત્તરાયણની ઉજવણી કરી હતી. તો બીજી તરફ કોંગ્રેસ પ્રદેશ પ્રમુખ અમિત ચાવડા પણ અમદાવાદમાં ઉત્તરાયણ મનાવી હતી.
સવારમાં પવનની ગતિ ધીમી જોવા મળતા પતંગ રસિયાઓ થયા નિરાશ
વહેલી સવારથી જ ધાબા પર પતંગ ચઢાવવા માટે ચડેલા પતંગ રસિયાઓ પવનની મંદ ગતિને કારણે નીરાશ થયાં હતા. તો કેટલાક સ્થળો પર પવનની વારંવાર બદલાતી દિશાને કારણે લોકોને મુશ્કેલીનો સામનો કરવો પડ્યો હતો.
બપોરે જામી ઉંધીયુ-જલેબીને જયાફત
મકરસંક્રાતિ પર્વને લઇને લોકોએ બપોરે ઉંધીયુ-જલેબીની જયાફત માણી હતી. ખાસ કરીને સવારથી જ ફરસાણની દુકાનો પર લાઇનો જોવા મળી હતી.
આ વર્ષે રાજ્યભરમાં ઉતરાયણના અલગ અલગ રંગ જોવા મળ્યા. ક્યાંક નાગરિકતા સંશોધનના કાયદાના સમર્થનમાં પતંગોત્સવ મનાવાયો તો ક્યાંક તેના વિરોધમાં પતંગો ચગાવાઈ. જો કે આ બધાથી પર થઇને નારાણપુરામાં દેશભક્તિનો રંગ જોવા મળ્યો.
અહીં લોકોએ દેશભક્તિના રંગે રંગાઇને પતંગોત્સવ મનાવાયો. અહીં પતંગબાજોએ હવામાં બલૂન સાથે તિરંગા ઉડાવ્યાં હતા. આ સાથે મોજ મસ્તીથી ઉત્સાહભેર ઉતરાયણની ઉજવણી કરી હતી.
નસવાડી-વડોદરામાં યુવકનું મોત
નસવાડીમાં પતંગનો દોરો ગળા આગળ આવતા યુવક ઈજાગ્રસ્ત થયો છે. દોરો ગળા આગળ આવી જતા યુવક તેને હટાવવા ગયો અને આંગળી કપાઈ ગઇ છે. આ ઈજાગ્રસ્ત યુવકને હોસ્પિટલમાં ખસેડવામાં આવ્યો છે. આ ઈજાગ્રસ્તનું નામ વિક્રમ રાઠવા છે. ત્યારે વડોદરામાં એક 16 વર્ષના યુવકનું ધાબા પરથી પટકાઇ જવાને કારણે મોત થયું હતું.
સ્પીકરને લઇને થઇ બબાલ
અમદાવાદમાં અગાસી પર સ્પીકર અવાજને લઈને બબાલ થઇ છે. નારોલના સિધ્ધી ફલોરા ફલેટમાં આ ઘટના બની છે. ડીજેના સ્પીકરો અવાજની દિશા બદલવાને લઈને ધમાલ થઇ છે. યુવતીની છેડતી ન કરવાનુ કહેતા યુવકો દ્વારા હુમલો કરવામાં આવ્યો હતો. યુવતીની છેડતી કરતા યુવકોને ટોકતા હુમલો કરવામાં આવ્યો છે. 4 થી વધુ આરોપીઓ લાકડીઓ અને છરી વડે તુટી પડયા હતાં.
વારંવાર ના છતાં મોડી સાંજે આકાશમાં જોવા મળ્યા ચાઇનીઝ તુક્કલ
ચાઇનીઝ તુક્કલ પર પ્રતિબંધ લાદવામાં આવ્યો છતાં કેટલાક લોકોએ ચાઇનીઝ તુક્કલ ચઢાવ્યા હતા, તો વળી કેટલાક લોકોએ ફટાકડા ફોડીને પણ મકરસંક્રાતિની સાંજની ઉજવણી કરી હતી.