મકરસંક્રાંતીના પર્વ નિમિત્તે ગુજરાત અને ઉત્તર પ્રદેશ વચ્ચે ખાસ સંબંધ, ત્યાંથી માંજો રંગનાર પરિવારો આ વખતે કોરોનાના કારણે ફક્ત 1 મહિના અગાઉ જ રાજ્યમાં આવ્યા છે.
ઉતરાયણના તહેવારને લઇ અમદાવાદમાં તૈયારીઓ શરુ
પતંગ રસિકો કોરોના કાળ વચ્ચે પણ ઉતરાયણને લઇ ઉત્સુક
કોરોના ગ્રહણ આ વ્યવસાયને પણ નળ્યું
ઉત્તરાયણનો તહેવાર નજીક આવી રહ્યો છે પતંગ રસિકો કોરોના કાળ વચ્ચે પણ તહેવારને લઇ ઉત્સુક જોવા મળી રહ્યા છે.પતંગ અને દોરી રંગવાના બિઝનેસ માટે દર વર્ષે લખનૌ, રાયબરેલી, આગ્રા જેવા શહેરોમાંથી 200 પરિવારો અમદાવાદમાં ત્રણ મહિના ધંધો કરવા આવે છે. ઉત્તર પ્રદેશથી દર વર્ષે આ પરિવાર 2 થી 3 મહિના અગાઉ અમદાવાદ આવે છે. 30 વર્ષથી પતંગની દોરી બનાવવાનું કામ કરે છે
ત્રણ પેઢીથી આ કામ કરનાર પરિવાર આવે છે ગુજરાત
ગુજરાતમાં મકરસંક્રાંતિના પર્વની ઉજવણી શરૂ થઈ ચૂકી છે. અમદાવાદની પોળોમાં નજર કરીએ તો ઠેર-ઠેર પતંગો અને માંજાઓથી સમગ્ર નજારો રંગબેરંગી થઈ ચૂક્યો છે. અહીં રસપ્રદ વાત એ છે કે મકરસંક્રાંતીના પર્વ નિમિત્તે ગુજરાત અને ઉત્તર પ્રદેશ વચ્ચે ખાસ સંબંધ છે. ઉત્તર પ્રદેશના લખનૌથી આવેલા અને ત્રણ પેઢીથી આ કામ કરનાર પરિવાર છેલ્લાં 30 વર્ષોથી ગુજરાતમાં આવે છે અને પતંગની દોરી બનાવવાનું કામ કરે છે.
ઉત્તરાયણને લઈ ગુજરાતીઓમાં ઉત્સાહ
પતંગ અને દોરી રંગવાના બિઝનેસ માટે દર વર્ષે લખનૌ, રાયબરેલી, આગ્રા જેવા શહેરોમાંથી 200 પરિવારો અમદાવાદમાં ત્રણ મહિના ધંધો કરવા આવે છે. કહેવાય છે કે, પૃથ્વીની 5 વાર પ્રદક્ષિણા કરી શકાય એટલી દોરી અમદાવાદમાં ઉત્તરાયણમાં વપરાય છે. ઉત્તરાયણ અને વાસી ઉત્તરાયણ પર 10 લાખથી વધારે પતંગો આકાશમાં ઊડે છે. ત્યારે અમદાવાદીઓ ઉત્તરાયણને લઇ અત્યારથી ઉત્સુક જોવા મળે છે..
કોરોનાના કારણે દોરીના ભાવમાં પણ વધારો
દોરીના ભાવમાં 60 ટકાનો વધારો
1 હજાર વાર દોરી રંગવાના 60 રૂપિયા
અઢી હજાર દોરી રંગવાના વારના 150 રૂપિયા
5 હજાર વાર દોરી રંગવાના 300 રૂપિયા
10 હજાર વાર દોરી રંગવાના 600 રૂપિયા ભાવ
ઉત્તર પ્રદેશથી દર વર્ષે આ પરિવાર 2 થી 3 મહિના અગાઉ અમદાવાદ આવી જાય છે જો કે આ વખતે કોરોના ગ્રહણ આ વ્યવસાયને પણ નળ્યું છે.. જો કે લોકોએ અત્યારથી જ ઉત્તરાયણની શરૂઆત કરી દીઘી છે. ઉલ્લેખનીય છે કે ભારતમાં પતંગ અને માંજાનું મોખરાનું બજાર અમદાવાદ છે. ત્યારે આ વર્ષે કોરોનાનું કેવું ગ્રહણ લાગે છે તેના પર સૌની મીટ છે.