એલર્ટ / હવામાન વિભાગની આગાહીઃ આવનારા 3 દિવસ સુધી ઉત્તરાખંડમાં શીતલહેર, ધુમ્મસના કારણે લોકો મુકાશે મુશ્કેલીમાં

• પહાડો પર કરા પડતાં હાડ થીજવતી ઠંડી
• આવનારા 3 દિવસ સુધી શીતલહેરની આગાહી
• ધુમ્મસના કારણે સ્થાનિકોને પડી શકે છે હાલાકી

ઉત્તરાખંડમાં લગભગ 60 કલાકથી પણ વધારે સમયથી વરસાદ અને હિમવર્ષાની સ્થિતિ સર્જાઈ રહી છે. પહાડી વિસ્તારોમાં કરા પડવાના કારણે ઠંડી વધી રહી છે. હવામાન વિભાગે પહાડ પર જનારા પર્યટકોને સાવધાની રાખવાની ચેતવણી આપી છે. દહેરાદૂન, હરિદ્વાર, ઉધમસિંહ નગરમાં ગુરુવારે સવારે ધુમ્મસ છવાયેલું જોવા મળ્યું હતું.

Uttarakhand: Tourists visit Nainital as the region receives snowfall. (09.01.2019) pic.twitter.com/FcNO3zLn3Z

— ANI (@ANI) January 9, 2020

વરસાદ કે હિમવર્ષાની શક્યતા આજે નહીવત

હવામાન વિભાગ તરફથી મળતી માહિતી અનુસાર આવનારા 3 દિવસ સુધી પ્રદેશમાં શીતલહેરની ચેતવણી આપવામાં આવી છે. અનેક જગ્યાઓએ ધુમ્મસના કારણે મુશ્કેલી સર્જાઈ શકે છે. આ સાથે હવામાન વિભાગે એમ પણ જણાવ્યું છે કે હાલમાં વરસાદ કે હિમવર્ષાની શક્યતા નહીવત છે. 

દિવસે રાહત રાતે આફત

પ્રદેશમાં દિવસે તડકો નીકળવાના કારણે ઠંડીમાંથી થોડી રાહત મળી હતી. રાજધાનીમાં તાપમાન લગભગ 8 ડિગ્રી રહ્યું હતું. પરંતુ સાંજ થતાં જ તાપમાન ફરીથી ઘટ્યું અને ઠંડી ચરમસીમાએ પહોંચી.