સફળતા / ભારતીય જવાનોએ સર કર્યું નવું શિખર, 74 વર્ષમાં પહેલી વાર અહીં લહેરાવ્યો તિરંગો

• ITBPએ પ્રથમવાર સર કર્યો બલબલા
• 74 વર્ષ પહેલા સ્વિત્ઝરલેન્ડની ટીમે કર્યો સર
• 21 હજાર 50 ફૂટની ઉંચાઈએ છે બલબલા
• જવાનોએ તિરંગો લહેરાવીને ગાયું રાષ્ટ્રગાન

ITBPના જવાનોએ પ્રથમવાર હિમાલયના માઉન્ટ બલબલાને સર કર્યો છે અને સાથે જ જવાનોએ માઉન્ટ બલબલાની ચોટી પર રાષ્ટ્રધ્વજ પણ લહેરાવી દીધો છે. ઉલ્લેખનીય છે કે આજથી 74 વર્ષ પહેલા સ્વિત્ઝરલેન્ડની ટીમે માઉન્ટ બલબલાને સર કર્યો હતો.  માઉન્ટ બલબલાની ઉંચાઈ 21 હજાર 50 ફૂટ છે. ITBPના 46 જવાનોને DIG અપર્ણાસિંહે  લીલીઝંડી આપી હતી અને ત્યારબાદ તેઓ 4 સપ્ટેમ્બર 2021ના રોજ 5 જવાન અને એક ગાઈડ બેસ કેમ્પથી નિકળ્યા હતા.

ITBP Sector Level Mountaineering Expedition (SHQ Dehradun) Code Name ‘Parakram’ summited Mt Balbala peak (21,050 feet) on 4 Sep, 2021. The expedition was launched on 7 Aug, 2021 from 1st Battalion, Joshimath, Uttarakhand. First ever summit on Balbala by any expedition after 1947. pic.twitter.com/sslzXeqOi4

— ITBP (@ITBP_official) September 6, 2021

જવાનોએ તિરંગો લહેરાવીને રાષ્ટ્રગાન પણ ગાયું  
માઉન્ટ બલબલાની ચોટીને ખતરનાક માનવામાં આવે છે. આ કારણથી 74 વર્ષ સુધી કોઈએ માઉન્ટ બલબલાને સર કરવાની હિંમત કરી નથી. માઉન્ટ બલબલા પર તાપમાન માઈનસ 30 ડિગ્રીથી ઓછું હતું. માઉન્ટ બલબલાની છેલ્લી ચોટી પર પહોંચવા 90 ડિગ્રી ઉભું ચઢાણ ચઢવું પડે છે. આઈટીબીપીના જવાનોએ પહેલીવાર હિમાલયની માઉન્ટ બલબલા પર જીત મેળવી અને તિરંગો લહેરાવ્યો, પહેલીવાર કોઈ ભારતીય દળ આ ચોટી પર પહોંચી શક્યું છે. 74 વર્ષ પહેલા 25 ઓગસ્ટ 1947ના સ્વિત્ઝરલેન્ડના દળે આ ચોટી પર જીત મેળવી હતી.