કુદરતી હોનારત / ઉત્તરાખંડમાં વરસાદી કહેરને પગલે 42ના મોત, એક્શનમાં આવેલ PM મોદીએ જુઓ શું કહ્યું

• નૈનીતાલમાં 25 લોકોના મોત અને 7 લોકોના ગુમ થવાની ખરાઈ 
• અલ્મોડામાં 6, ચંપાવતમાં 5 લોકો જીવતા દટાયા
• કેદારનાથમાં ઠંડીથી બાબા દંડી ભારતીનું મોત

નૈનીતાલમાં 25 લોકોના મોત અને 7 લોકોના ગુમ થવાની ખરાઈ 

નૈનીતાલ ડિઝાસ્ટર મેનેજમેન્ટ વિભાગના જિલ્લામાં 25 લોકોના મોત અને 7 લોકોના ગુમ થવાની ખરાઈ કરી છે. મરનારા 14 ઉત્તર પ્રદેશ અને બિહારના મજૂર છે. નૈનીતાલ જિલ્લાના રામગઢ બ્લોકના ઝુતિયા સુનકા ગ્રામસભામાં 9 મજૂર ઘરમાં જ જીવતા દટાઈ ગયા છે. જ્યારે ઝુતિયા ગામમાં જ એક મકાનના કાટમાળમાં દટાયેલા પતિ-પત્ની અને તેમના દીકરાનો જીવ ચાલ્યો ગયો છે. ઘારી બ્લોકના દોષાપાણીમાં 5 મજૂરોના દિવાર નીચે દબાવાથી મોત થયા છે. આ ઉપરાંત નૈનીતાલના જ કારબામાં 2 કૈંચીદામની પાસે 2, બોહારાકોટમાં 2, જ્યોલીકોટમાં એક અને ભીમતાલના ખુટાનીમાં હલ્દુચૌડ નિવાસી શિક્ષકના દીકરાનું કાટમાળમાં દબાવાથી મોત થયું છે. અત્યાર સુધીમાં 600 થી વધારે લોકોને રેસ્ક્યૂ કરવામાં આવ્યા છે.

અલ્મોડામાં 6, ચંપાવતમાં 5 લોકો જીવતા દટાયા

અલ્મોડામાં 6 લોકો કાટમાળમાં જીવતા દટાવાથી મૃત્યુ પામ્યા છે. જ્યારે ચંપાવતમાં 5 અને પિથૌરાગઢ- બાગેશ્વરમાં 1-1 વ્યક્તિના મોત થયા છે. બાજપુરમાં તેજ પ્રવાહના કારણે 1 ખેડૂતનું મોત થયું છે. બીજી તરફ વરસાદનું પાણી ઘરમાં ઘૂસી જવાથી ફેલાયેલા કરન્ટથી કિચ્છામાં યુપીના દેવરિયાના ધારાસભ્ય કમલેશ શુક્લાના ઘરમાં કરંટ ફેલાવાથી પુત્ર વધૂનું મોત થયું છે. નૈનીતાલના ઓખલકાંડામાં 6 લોકો અને હલ્દ્વાનીમાં મંગળવારે મોડી સાંજે ગૌલા નદીમાં એક યુવક ગુમ થયો છે.

ક્યાં કેટલા મોત

કુમાઉ વિસ્તારમાં વધું 42 લોકોના મોતની સાથે મરનારની સંખ્યા 47 થઈ ગઈ છે. કેમ કે 5 લોકોના મોત સોમવારે થયા હતા. ડીઆઈજીના કહેવા પ્રમાણે આ 42માંથી 28 લોકો નૈનીતાલ જિલ્લામાં માર્યા ગયા છે. 6-6 લોકોના મોત અલ્મોડા તથા ચંપાવત જિલ્લામાં એક -એક વ્યક્તિની મોત પિથૌરાગઢ અને ઉધમ સિંહ નગર જિલ્લામાં થયા છે.

કેદારનાથમાં ઠંડીથી બાબા દંડી ભારતીનું મોત

કેદારનાથમાં ગત અનેક વર્ષોથી રહી રહેલા બાબા દંડી ભારતીનું મંગળવારે નિધન થયું છે. મનાઈ રહ્યું છે કે મંગળવારે સવારે 5 વાગે ઠંડી વધી જવાથી તેમનું મોત થયું છે. બીજી તરફ રુડકીના લંઢોરામાં વરસાદ દરમિયાન એક દિવાલ પડવાથી 9 મહિનાના બાળકનું મોત થયું છે.

I am anguished by the loss of lives due to heavy rainfall in parts of Uttarakhand. May the injured recover soon. Rescue operations are underway to help those affected. I pray for everyone’s safety and well-being.

— Narendra Modi (@narendramodi) October 19, 2021

નરેન્દ્ર મોદીએ  લોકોના મોત પર મંગળવારે દુઃખ વ્યક્ત કર્યુ

પ્રધાનમંત્રી નરેન્દ્ર મોદીએ ઉત્તરાખંડમાં ભારે વરસાદને કારણે લોકોના મોત પર મંગળવારે દુઃખ વ્યક્ત કર્યુ અને કહ્યું કે અસરગ્રસ્ત લોકોની મદદ કરવા માટે બચાવ કર્યા ચાલું છે. મોદીએ ટ્વીટ કર્યું કે ઉત્તરાખંડના અનેક ભાગોમાં ભારે વરસાદના કારણે લોકોના મરવાના સમાચારથી હું દુઃખી છું. ઘાયલ લોકોના જલ્દી સ્વસ્થ થવાની કામના કરુ છુ. બચાવ કાર્ય જારી છે. જેથી અસરગ્રસ્ત લોકોની મદદ કરી શકાય. હું દરેકની સુરક્ષા અને કલ્યાણ માટે ઈશ્વરને પ્રાર્થના કરું છુ. આના આગલા દિવસે મોદીએ ઉત્તરાખંડના સીએમ પુષ્કર સિંહ ઘામી સાથે વાત કરી અને મૂસળધાર વરસાદથી અસરગ્રસ્ત રાજ્યની સ્થિતિના સંબંધમાં જાણકારી મેળવી. મોદીએ કેન્દ્રીય મંત્રી અજય ભટ્ટથી આ સંબંધમાં વાત કરી. નોંધનીય છે કે સીએમ પુષ્કર સિંહ ઘામીએ મરનારાના પરિવારને 4-4 લાખનું વળતર આપવાની જાહેરાત કરી છે.

ક્યાં કેટલો વરસાદ

આ દરમિયાન એસઈઓસીએ કહ્યું કે રાજ્યની મોટાભાગની નદીઓમાં તોફાન છે અને હરિદ્વારમાં ગંગાનું જળસ્તર 293.90 મીટર સુધી પહોંચી ગયું છે. જે ભયજનક સપાટી 294થી સામાન્ય નીચે છે. એસઈઓસીએ જણાવ્યું કે નૈનીતાલમાં 90 મિલીમીટર, હલ્દવાનીમાં 128 મિમી, કોશ્યાકુટોલીમાં 86.6 મિમી, અલ્મોડામાં 216.6 મિમી, દ્વારાહાટમાં 184 મિમી અને જાગેશ્વરમાં 176 મિમી વરસાદ થયો છે.