ભગવો લહેરાયો / દેવભૂમિ ઉત્તરાખંડમાં ફરી ભાજપનો 'જય હો', પ્રચંડ જીત પાછળ મુખ્ય 7 કારણો જવાબદાર

• દેવભૂમિ ઉત્તરાખંડમાં ભાજપે રચ્યો ઈતિહાસ
• ઉત્તરાખંડમાં સતત બીજી વખત બનશે ભાજપની સરકાર
• 7 કારણો જવાબદાર

ભાજપે બે રાજ્યોમાં ઇતિહાસ પલટી નાખ્યો. UPના ઇતિહાસમાં પ્રથમ વાર કોઇ CM સતત બીજી વાર સત્તામાં આવશે. કારણ કે આજ દિન સુધી કોઇ પણ મુખ્યમંત્રી 5 વર્ષના કાર્યકાળ બાદ સતત રિપીટ નથી થયાં. એ જ રીતે ઉત્તરાખંડના ઇતિહાસમાં પણ પ્રથમ વાર કોઇ પાર્ટી સતત બીજી વખત સત્તામાં આવી છે.

જીત પાછળ મુખ્ય 7 કારણો જવાબદાર 

• પ્રધાનમંત્રી મોદીએ ખુદ પ્રચારની કમાન સંભાળી
• ભાજપે કેન્દ્ર સરકારની યોજનાનો ભરપૂર પ્રચાર કર્યો
• મુખ્યમંત્રી બદલીને એન્ટિ ઈન્કમબન્સીની સ્થિતિનો તોડ કાઢ્યો
• કોંગ્રેસની બૂથ સ્તરે નબળાઈનો લાભ મળ્યો
• યોગી આદિત્યનાથ તેમજ કેન્દ્રીય મંત્રીઓની ટીમે પ્રચાર કર્યો
• અલગ અલગ રાજ્યોના ધારાસભ્યોને પણ બેઠક મુજબ જવાબદારી સોંપી
• જાતિ અને ભૌગોલીક જનપ્રતિનિધિત્વને ધ્યાને રાખી બેઠકોની વહેંચણી કરી

ઉત્તરાખંડમાં પણ ભાજપ રચશે ઇતિહાસ 

ઉત્તરાખંડ રાજ્યનો ઇતિહાસ જોઈએ તો ઉત્તરાખંડમાં દર પાંચ વર્ષમાં કોઈ નવી જ સરકાર બને છે માટે આ વખતે ત્યાં કોંગ્રેસ સરકાર બનવાનો અંદાજ લગાવવામાં આવી રહ્યો હતો.એવું પણ કહેવાતું હતું કે રોટી જો તવા પરથી બદલાય નહીં તો બળી જાય. માટે ત્યાં સરકારો બદલાતી રહે છે. પણ આ વખતે જનતાનો મૂડ કંઇક અલગ જ હોય એવું લાગી રહ્યું છે. કોંગ્રેસ નેતા હરીશ રાવતે કહ્યું હતું કે અમે વધુમાં વધુ સીટો પર જીતી રહ્યા છીએ અને જ્યાં અમે હારી રહ્યા છીએ ત્યાં પણ કટોકટીનો મુકાબલો છે. 

65 ટકા વોટિંગ થયું હતું 

ઉત્તરાખંડમાં 70 વિધાનસભા સીટો છે તેમાં આ વખતે ચૂંટણીમાં 65 ટકા મતદાન થયું હતું. જે એક સારો આંકડો માનવામાં આવે છે. માટે મતદાન તરફ પણ નિરસતા નથી દેખાઈ અને હવે પરિણામોમાં પણ ભગવો લહેરાતો દેખાઈ રહ્યો છે.