રાજકારણ / વિધાનસભા ચૂંટણી પહેલા રાજનીતિમાં ભૂકંપ: આ ધારાસભ્ય ભાજપમાંથી આપી શકે રાજીનામું, કોંગ્રેસનો દાવો

• ઉત્તરાખંડમાં  ચૂંટણી નજીક આવતાં ભાજપમાં આંતર કલહ સામે આવ્યો
• ધામીની સરકારમાં કેબિનેટ મંત્રી હરકસિંહ રાવતે રાજીનામું આપ્યું   
• ઉત્તરાખંડ કોંગ્રેસ યુનિટના સત્તાવાર ટ્વિટર હેન્ડલમાં આ વાત કહેવાઈ 

डूबता जहाज, भागते लोग! #Uttarakhand pic.twitter.com/ADR9yUIs8i

— Uttarakhand Congress (@INCUttarakhand) December 24, 2021

ઉત્તરાખંડમાં  ચૂંટણી નજીક આવતાં ભાજપમાં આંતર કલહ સામે આવ્યો  

ઉત્તરાખંડમાં વિધાનસભાની ચૂંટણી નજીક આવતાં ભાજપમાં આંતર કલહ સામે આવ્યો છે. પુષ્કરસિંહ ધામીની સરકારમાં કેબિનેટમંત્રી હરકસિંહ રાવતે પોતાના પદ પરથી રાજીનામું આપી દીધું છે. હલે કોંગ્રેસે દાવો કર્યો છે કે, એક ધારાસભ્યએ ભારતીય જનતા પાર્ટી પણ છોડી દીધી છે.  

ઉત્તરાખંડ કોંગ્રેસ યુનિટના સત્તાવાર ટ્વિટર ટ્વિટ કરી

કોંગ્રેસના ઉત્તરાખંડ યુનિટના સત્તાવાર ટ્વિટર હેન્ડલમાં કહેવામાં આવ્યું છે. ડૂબતું જહાજ, લોકો ભાગી રહ્યાં છે. ઉપરાંત ટ્વિટમાં બે તસવીરો શેર કરવામાં આવી છે. જેમાંથી એક કેબિનેટ મંત્રી હરક સિંહ રાવતનું રાજીનામું હોવાનું જાણવા મળ્યું છે. જ્યારે બીજામાં ધારાસભ્ય ઉમેશ શર્મા કાઉએ ભાજપ છોડવાનો ઉલ્લેખ કર્યો છે. તમને જણાવી દઈએ કે, ધારાસભ્ય ઉમેશ શર્મા દહેરાદૂન જિલ્લાની રાયપુર બેઠક પરથી ઉત્તરાખંડ વિધાનસભાના સભ્ય છે. 2016માં ઉમેશ શર્મા કાઉ કોંગ્રેસના અન્ય ધારાસભ્યો સાથે ભાજપમાં જોડાયા હતાં. 

બગાવતી શરૂ બતાવી રહ્યાં છે રાવત

એક તરફ પુષ્કરસિંહ ધામીના મંત્રીમંડળમાં વન અને પર્યાવરણ, શ્રમ અને કોશલ્ય વિકાસ મંત્રાલયનો હવાલો સંભાળતા હરકસિંહ રાવતની રાજકીય કારકિર્દી પર નજર કરીએ તો તેમણે અનેક પ્રસંગોએ બળવાખોરી દર્શાવી છે. તેમણે 2016માં કોંગ્રેસ છોડીને ભાજપ સાથે જોડાયા હતાં. હવે એવી અટકળો વહેતી થઈ છે કે, તે ફરી એકવાર તેની જૂની પાર્ટીમાં ઘર વાપસી કરી શકે છે. 

હરીશ રાવત સરકાર સામે પણ બ્યુગલ ઉડાડ્યું હતું 

તમને જણાવી દઈએ કે, હરક સિંહ રાવત એ જ નેતા છે. જેમણે 2016માં ઉત્તરાખંડમાં હરીશ રાવત સામે બ્યુગલ ફૂંક્યું હતું. આવી સ્થિતીમાં હરકસિંહ હવે પાછો ફરશે તો હરીશ રાવત માટે પણ પરિસ્થિતિ અસહજ બની શકે છે.