વિધાનસભા ચૂંટણીમાં હારી જનારા ધામી પેટાચૂંટણીમાં જીતી ગયા
પેટાચૂંટણીમાં રેકોર્ડ વોટથી જીત્યા
55 હજાર વોટથી ધામી જીત્યા
ઉત્તરાખંડના મુખ્યમંત્રી પુષ્કર સિંહ ધામી ચંપાવત વિધાનસભા પેટાચૂંટણીમાં જીત્યા છે. ધામીએ કોંગ્રેસના ઉમેદવાર નિર્મલા ગહતોડીને રાજકીય હાર આપીને મુખ્યમંત્રી પદની ખુરશી બચાવી લીધી છે. આવી રીતે તેઓ આ સીટ પર 6500 વોટથી મળેલી હારનો બદલો લઈને ચંપાવત સીટ પર 55 હજાર વોટથી જીત્યા છે. આવી જ રીતે 54 દિવસમાં ફ્લાઈવરથી ફાયર સાબિત થયા છે.
વિધાનસભામાં જીત બાદ ભાજપ સત્તામાં આવ્યું
આપને જણાવી દઈએ કે, પુષ્કર સિંહ ધામીની આગેવાનીમાં ભાજપે 2022માં ચૂંટણીમાં શાનદાર જીત મેળવી હતી, પણ ખટીમા સીટથી તેઓ હારી ગયા હતા. ત્યાર બાદ પુષ્કર સિંહ ધામીના માથે મુખ્યમંત્રીનો તાજ મુક્યો હતો. પણ તેમને છ મહિનાની અંદર પેટાચૂંટણીમાં જીતવું જરૂરી હતું. ત્યારે આવા સમેય ભાજપે કૈલાશ ગહતોડીને ધારાસભ્ય પદેથી રાજીનામું અપાવી ચંપાવત સીટ સીએમ માટે છોડી દીધી હતી. જે બાદ પુષ્કર સિંહ ધામીએ પેટાચૂંટણીમાં ઉતર્યા અને જીતી ગયા હતા.
ચંપાવતમાંથી રેકોર્ડ જીત નોંધાવી
ભાજપ ઉમેદવાર પુષ્કર સિંહ ધામીએ 55 હજાર 111 વોટ સાથે રેકોર્ડ તોડ જીત મેળવીને શુક્રવાર સૂર્યોદય ચંપાવત જિલ્લામાં રાજકીય ઈતિહાસની નવી મિશાલ રજૂ કરી હતી. ઉત્તરાખંડના ઈતિહાસમાં અત્યાર સુધી સૌથી વધારે વોટ સાથે કોઈ જીતી શક્યુ નથી. આ અગાઉ વિજય બહુગુણાએ સિતારગંજમાંથી 39966 વોટથી જીત નોંધાવી હતી. પણ પુષ્કર ધામીએ ચંપાવત સીટ પર 54 હજાર વોટથી વધારે રેકોર્ડ પોતાના નામે કર્યો છે.
31મેના રોજ યોજાઈ હતી પેટાચૂંટણી
ચંપાવત વિધાનસભા પર થયેલી પેટાચૂંટણીમાં 31 મેના રોજ વોટિંગ થયું હતું, જેમાં કુલ 61595 લોકોએ મતદાન કર્યું હતું. બિમાર અને 80 વર્ષથી મોટી ઉંમરના 723 લોકોએ પોસ્ટ દ્વારા મતદાન કર્યું હતું. સીએમ ધામીને 57267 મત મળ્યા હતા, તો કોંગ્રેસના ઉમેદવારને 3145 વોટ મળ્યા હતા. સપા ઉમેદવાર મનોજ ભટ્ટને 409 મત મળ્યા હતા, જ્યારે અપક્ષ ઉમેદવાર 399 વોટ અને નોટામાં 372 વોટ ગયા હતા, આમ ધામીએ એકલા 55111 વોટથી જીત મેળવી હતી.