ઉત્તરાખંડમાં આફત / VIDEO : મોતના નાથ'વીર' ! વિકરાળ નદી ઓળંગીને સીધી ચટ્ટાન પરથી યાત્રાળુઓ બચાવાયા

દેવભૂમિ કેદારનાથમાં હાલ કુદરતી કેર ચાલી રહ્યો છે. વાદળો ફાટવાને કારણે કેદારનાથ જતાં પ્રવાસીઓ રસ્તામાં અટવાયા છે અને તેમાંના ઘણાને તાબડતોબ બચાવી લેવાયો હતો પરંતુ 2 યુવાનો પહાડની ટોચ પર ફસાયા હતા અને તેઓ આપમેળે બચી શકે તેવી હાલતમાં નહોતા આથી SDRFના જવાનોએ ખૂબ જ વિકટ અને જરાકમા મોત થઈ જાય તેવી સ્થિતિમાંથી બન્ને યુવાનોને હેમખેમ ઉગાર્યાં હતા.

SDRF રેસ્ક્યુ ટીમે કેવી રીતે બચાવ્યાં

ઉત્તરાખંડમાં ભારે ચોમાસાના વરસાદ અને વારંવાર ભૂસ્ખલન વચ્ચે કેદારનાથ ધામ જવાના ફૂટપાથ પર એક ઉભી ભેખડની ટોચ પર ફસાયેલા બે યુવાનોને રવિવારે સવારે સુરક્ષિત રીતે બચાવી લેવામાં આવ્યા હતા. આ અકલ્પનીય અને અસાધારણ રેસ્ક્યૂ સ્ટેટ ડિઝાસ્ટર રિસ્પોન્સ ફોર્સ (SDRF) દ્વારા કરાયું હતું. એસડીઆરએફ કમાન્ડન્ટ મણિકાંત મિશ્રાએ જણાવ્યું કે મોડી રાત્રે એસડીઆરએફની ટીમને સોનપ્રયાગ કોતવાલીથી માહિતી મળી કે 11 શ્રદ્ધાળુઓ ત્રિજુગી નારાયણથી આઠ કિલોમીટરના અંતરે જંગલમાં ખોવાઈ ગયા છે. તેમની પાસે ખાવા-પીવાની વસ્તુઓ ખતમ થઈ ગઈ હતી. તેમને તાત્કાલિક મદદની જરૂર છે. માહિતી મળતાની સાથે જ SDRF રેસ્ક્યુ ટીમ 13 કિલોમીટર રોડ માર્ગે ત્રિજુગી નારાયણ જવા રવાના થઈ ગઈ હતી. ત્યાં પહોંચ્યા પછી, છ બહાદુર સૈનિકોની આ ટીમ, સબ ઇન્સ્પેક્ટર જિતેન્દ્ર સિંહના નેતૃત્વમાં, સ્થાનિક લોકો સાથે મળીને પાંચ કિલોમીટરનું મુશ્કેલ ચઢાણ ચડીને સોન નદીના કિનારે પહોંચી. તેણે કહ્યું કે ત્યાંનું દ્રશ્ય ખૂબ જ ભયાનક હતું. સોન નદી એકદમ વિકરાળ રીતે વહેતી હતી પરંતુ ટીમના સભ્યો મજબૂત દોરડાથી મદદથી નદી ઓળંગી નાખી. SDRF ટીમે સ્થાનિક ગ્રામજનોની મદદથી ડ્રોનનો ઉપયોગ કરીને સોન નદીની બીજી બાજુના જંગલમાં શોધખોળ શરૂ કરી. ઉપર ડ્રોન જોઈને ખડક પર બેઠેલા બંને યુવકોએ બૂમો પાડી હતી. બંને યુવકો એક ઉંચા ખડકની ટોચ પર ઉભા હતા, જ્યાંથી નીચે ઉતરવું તેમના માટે અશક્ય હતું. ટીમે ભારે જહેમત બાદ બંને યુવકોને સુરક્ષિત નીચે ઉતાર્યા હતા.

યુવાનો ઊંચી ભેખડ પર ફસાયા હતા

યુવાનોએ જણાવ્યું કે 31 જુલાઈના રોજ વાદળ ફાટ્યા બાદ તેઓ ગૌરીકુંડમાં ફસાઈ ગયા હતા. સાથીઓથી અલગ થયા બાદ તેમની પાસે ખાવા-પીવાનું ખતમ થઈ ગયું હતું. બંને એક મોટા પથ્થર પર ઉભા હતા. ત્યાંથી તેઓ તેમના મૃત્યુને સ્પષ્ટપણે જોઈ શકતા હતા. પોતાને એકલા શોધીને તેણે સોનપ્રયાગ પોલીસ સ્ટેશનને જાણ કરી કે તે ફસાયેલા છે. મિશ્રાના જણાવ્યા અનુસાર, SDRF રેસ્ક્યૂ ટીમે દોરડાની મદદથી નદી પાર કરી અને બે યુવકોને ઢાળવાળી ભેખડમાંથી સુરક્ષિત રીતે નીચે ઉતાર્યા.

વધુ વાંચો : VIDEO : લેડી પોલીસ ઈન્સ્પેક્ટરે ઘેર બોલાવીને મેરિડ ઈન્સ્પેક્ટર સાથે કર્યાં રંગરેલિયા, મચ્યું રમખાણ

વાદળ ફાટતાં 17થી વધુ યાત્રાળુઓના મોત

ઉત્તરાખંડમાં હાલમાં દૈવી કોપ ચાલી રહ્યો હોય તેવું લાગી રહ્યું છે. અઠવાડિયા પહેલા વાદળો ફાટતાં 17થી વધુ લોકોના મોત થયાં હતા અને સેંકડો ફસાયા હતા.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ