દુર્ઘટના / ગુજરાત ભાજપના 3 કાર્યકરો અને ડ્રાઇવરને બદ્રીનાથ જતા નડ્યો અકસ્માત, ઇનોવા કાર અલકનંદા નદીમાં ખાબકી, 1નું મોત

• સુરેન્દ્રનગરના ભાજપના હોદ્દેદારોને બદ્રીનાથમાં નડ્યો અકસ્માત
• કાર અલકનંદા ખાડીમાં ખાબકતા એક યુવકનું મોત, એક યુવકને ગંભીર ઇજા
• ડ્રાઇવર અને લાપતા 1 યુવકની શોધખોળ ચાલુ

હરિદ્વાર અને ગુજરાતના તીર્થયાત્રી ગઈકાલે ઇનોવા કારથી બદ્રીનાથ ધામ જઇ રહ્યા હતા. આ દરમિયાન ટૈયા પુલ પાસે કાર બેકાબૂ થતા અલકનંદા નદીમાં ખાબકી હતી. આ દુર્ઘટનામાં એકનું મોત થયું હતું અને એક ઇજાગ્રસ્ત થયો હતો, જ્યારે અન્ય બે લોકો લાપતા થયા છે. ડ્રાયવર અને અન્ય એક યુવક લાપતા થતાં શોધખોળ હજુ પણ શરૂ છે. SDRFની ટીમ તેમની શોધખોળમાં લાગી છે.

ત્યારે સૂચના મળતા SDRF અને પોલીસે ઘટનાસ્થળે પહોંચીને રેસક્યૂ અભિયાન ચલાવ્યું હતું. ખીણમાં ખાબકેલ કાર મળી આવતા હેલીકોપ્ટર તેમજ SDRFની મદદથી બહાર કાઢવામાં આવી હતી. એક ગંભીર ઇજાગ્રસ્તને બહાર કાઢીને 108ની મદદથી નજીકના સ્વાસ્થ્ય કેન્દ્ર જોશીમઠમાં સારવાર માટે ખસેડાયો હતો. જિલ્લા BJP 3 હોદ્દેદાર બદ્રીનાથ દર્શને ગયા હતા.

દર્શનાર્થે ગયેલ યુવકોના નામ

1 )હિતેન્દ્રસિંહ ચૌહાણ( જિલ્લા ભાજપ મહામંત્રી)
2) મૃગેશ રાઠોડ(યુવા ભાજપ મહામંત્રી)
3) કૃપાલસિંહ ઝાલા(યુવા ભાજપ મંત્રી, લીંબડી)