ચૂંટણી / UP લોકસભા ચૂંટણી પરિણામ 2019: ભાજપે લગાવી હાફ સેન્ચ્યુરી

લોકસભા ચૂંટણીના પરિણામ આજે જાહેર કરવામાં આવી રહ્યા છે. દેશની 542 સીટો પર મતગણતરી શરૂ થઇ ગઇ છે. દરેક લોકોની નજર આ પરિણામો પર છે. આ ચૂંટણી દેશની સૌથી જૂની પાર્ટી કોંગ્રેસ માટે પણ મહત્વપૂર્ણ છે. ગત ચૂંટણીમાં નરેન્દ્ર મોદીની લહેરમાં કોંગ્રેસ પોતાના ઇતિહાસમાં સૌથી ઓછી સીટ 44 પર જ રહી ગઇ હતી.

ત્યારે આજે દેશના સૌથી મોટા રાજ્ય ઉત્તર પ્રદેશની 80 લોકસભા સીટો પર પણ મતગણતરી થઇ રહી છે. જેમાં સવાર સુધીમાં ભાજપ 58 સીટથી આગળ છે. ત્યારે કોંગ્રેસની 2 સીટો અને સપા-બસપાની 20 સીટો હાલ નજરે પડી રહી છે. 

ઉલ્લેખનીય છે કે આ વખત યૂપીમાં સત્તાધારી ભાજપને પડકાર આપવા માટે સમાજવાદી પાર્ટી અને બહુજન પાર્ટી અને આરએલડીએ ગઠબંધન કર્યું છે. 2014માં ઉત્તર પ્રદેશમાં સપા, બસપા અને આરએલડીએ અલગ અલગ ચૂંટણી લડી હતી. જ્યારે ભાજપે તેમના સહયોગી દળ સાથે મળીને ચૂંટણી લડી હતી. એનડીએએ 73 સીટ પર જીત મેળવી હતી. તેમાં 31 સીટો પર સપા, 34 પર બસપા અને એક પર આરએલડી બીજા સ્થાને રહી હતી.