પર્દાફાશ / ઉત્તરપ્રદેશમાં વસંતપંચમીએ બોમ્બ બ્લાસ્ટનું ષડયંત્ર નિષ્ફળ, STFએ 2 આતંકવાદીઓને વિસ્ફોટકો સાથે ઝડપી લીધા

• ઉત્તરપ્રદેશ STFએ બે શખ્સોની ધરપકડ કરી
• 1 વર્ષમાં સંગઠનના 123 લોકોની ધરપકડ કરવામાં આવીઃ ADG યુપી પોલીસ
• હિંદુ સંગઠનો પર મહત્વના પદો પરના લોકો હતા ટાર્ગેટ પરઃ ADG યુપી પોલીસ

લખનઉથી અનસદ અને ફિરોજ નામના બે શખ્સોની ધરપકડ કરવામાં આવી છે. બંન્ને પાસેથી હથિયાર અને મોટા પ્રમાણમાં વિસ્ફોટક કબજે કરાયા છે. અંસદ અને ફિરોઝખાન બંને શખ્સો કેરળના રહેવાસી છે. ભીડવાળા વિસ્તારમાં વિસ્ફોટ કરીને જનતામાં ભયનો માહોલ બનાવવાનો પ્લાન હતો.

વસંતપંચમીને લઇને ઘણા સ્થળો પરના કાર્યક્રમોમાં વિસ્ફોટ કરવાનો હતો પ્લાન

આ અંગે પ્રેસ કોન્ફરન્સ કરીને ઉત્તરપ્રદેશના ADG લૉ એન્ડ ઑર્ડર પ્રશાંત કુમારે જણાવ્યું કે, STFએ મોટો ખુલાસો કરતા એવા બે લોકોની ધરપકડ કરી છે જેમની પાસે મોટા પ્રમાણમાં વિસ્ફોટક, હથિયાર, ડેટોનેટર અને દસ્તાવેજ જપ્ત કર્યા છે. ઝડપાયેલા લોકોનો સંપર્ક PFI સાથે છે. તેમણે કહ્યું કે, વસંત પંચમીની આસપાસ કેટલીક જગ્યાઓમાં કાર્યક્રમમોમાં બ્લાસ્ટ કરવાની યોજના હતી. સામાન્ય જનતામાં આતંક ફેલાવવાના હતા.

અનસદ અને ફિરોજ નામના બે શખ્સોની કરી ધરપકડ

પ્રશાંત કુમારે કહ્યું કે, આના નામ કેરળમાં રહેતા અંસદ બદરૂદ્દીન અને ફિરોઝ ખાન તરીકે થઇ છે. તેમની પાસેથી 16 વિસ્ફોટક, એક પિસ્તોલ, સાત જીવતા કારતૂસ, 4800 રૂપિયા રોકડ સહિત કેટલીક વસ્તુઓ મળી છે. તેમણે જણાવ્યું કે, છેલ્લા અંદાજિત 1 વર્ષમાં આ સંગઠનના 123 લોકોની અમે ધરપકડ કરી છે.

Ansad Badruddin and Firoz Khan from Kerala are the two PFI members who have been arrested by UP STF today. They had been trying to expand their network: Prashant Kumar, UP ADG, Law & Order pic.twitter.com/2qbw1whgk7

— ANI UP (@ANINewsUP) February 16, 2021

હિંદુ સંગઠનો પર મહત્વના પદો પરના લોકો હતા ટાર્ગેટ પરઃ ADG યુપી પોલીસ

આ સાથે જ તેમણે કહ્યું કે, હિન્દૂ સંગઠનના મોટા પદાધિકારીઓને નિશાન બનાવવા માંગતા હતા. એટલા માટે આ PFIના સભ્ય બનાવવાનું કામ કરી રહ્યા હતા. ઝડપાયેલા લોકો કુકરૈલ પિકનિક સ્પોર્ટની પાસે હાજર હતા. ADG લૉ એન્ડ ઑર્ડરે જણાવ્યું કે, હિન્દૂ સંગઠન અથવા નેતાઓમાં કોણ કોણ છે એ જણાવવું અત્યારે યોગ્ય નથી.

હાથરસની ઘટનામાં PFIના લોકોને પકડવામાં આવ્યા હતા. રઉફની ધરપકડ થઇ હતી. PFI લોકોને ભ્રમિત કરવા કાયદો વ્યવસ્થાની સ્થિતિ બગાડીને મહત્વપૂર્ણ લોકો પર હુમલો કરવાની હતી. આ નાના નાના ગ્રુપ બનાવીને તેમને મજબૂત કરીને એવા બનાવવા માંગતા હતા કે તેમના ષડયંત્રોને અંજામ આપી શકે. કાલે PFIનો સ્થાપના દિવસ છે જેને લઇને ઉત્તરપ્રદેશમાં અલર્ટ છે. ગત એક વર્ષમાં PFIના 123 લોકોની ધરપકડ કરવામાં આવી છે.