આશ્ચર્ય / 300 વર્ષથી આ ગામમાં એક પણ ભાઈના હાથ પર નથી બંધાઈ રાખડી, કારણ છે ચોંકાવનારુ

• રક્ષાબંધન પર આ ગામમાં નથી બાંધવામાં આવતી રાખડી 
• 300 વર્ષોથી વધુ સમયથી રાખડી નથી બાંધવામાં આવતી
• જાણો ઉત્તર પ્રદેશના આ ગામની કહાણી 

દેશભરમાં જ્યાં બહેન પોતાના ભાઈઓને રક્ષાબંધન પર રાખડી બાંધશે ત્યા જ ઉત્તર પ્રદેશના સંભલના બેનીપુર ચક ગામમાં ભાઈએને કોઈ રાખડી નથી બાંધતું. તેનું કારણ એ છે કે અહીં લોકોનું માનવું છે કે રાખડી બાંધવાના બદલામાં ગીફ્ટમાં તેમની પાસેથી મિલકત ન માંગી લેવામાં આવે. અહીંના લોકો મોટી સંખ્યામાં આ વાત માને છે. આજ કારણ છે કે અહીં પાછલા 300 વર્ષોથી વધુ સમયથી રાખડી નથી બાંધવામાં આવતી. 

શું છે કારણ?
સંભવથી આદમપુર માર્ગ પર પાંચ કીમી દૂર બૈનીપુર ચક ગાંમ શ્રીવંશગોપાલ તીર્થના કારણે પ્રસિદ્ધ છે. પરંતુ ગામમાં રાખડી ન બાંધવાની માન્યતાના કારણે પણ આ ગામ જાણીતું છે. તેની પાછળ માન્યતા વિશે ગામમાં લોકોએ જણાવ્યું કે પૂર્વ અલીગઢમાં અતરૌલીના સેમરઈ ગામના જમીંદાર હતા. 

એક રિપોર્ટ અનુસાર તેમના પરિવારમાં કોઈ દિકરી ન હતી. આ કારણે પરિવારના દિકરાઓએ ગામના બીજા પરિવારોની દિકરીઓ પાસે રાખડી બંધાવવા લાગ્યા. રક્ષાબંધન પર એક દિકરીએ રાખડી બાંધીને ભેટમાં પરિવારની જમીન-મિલકત માંગી લીધી હતી. પરિવારે રાખડીનું માન રાખતા ગામની મિલકત  બીજી જ્ઞાતિને સોંપીને ગામ છોડી દીધુ હતું. ત્યાર બાદ તે સંભલના બેનીપુર ચકમાં આવીને વસી ગયા હતા. ત્યારથી યાદવોના મેહર અને બકિયા ગોત્રના લોકો રાખડી નથી બંધાવતા. 

બહેનો ઈચ્છે છે કે તે ભાઈઓને રાખડી બાંધે પરંતુ વર્ષો જુની પરંપરાને માનતા તે ભાઈઓને રાખડી નથી બાંધતી. મેહર અને બાકિયા ગોત્રએ અમુક યાદવ પરિવાર ગામ મહોરા, બરવાલી મઢૈયા, કટૌની અને બહજોઈ વિસ્તારમાં ગામ અજીમાબાદ અને ચાટનામાં પણ રહે છે. જે આ માન્યતાને માને છે અને રાખડી નથી બંધાવતા.

આ ગામોમાં પણ નથી ઉજવવામાં આવતી રક્ષાબંધન 
ત્યાં જ ગન્નોર તહસીલના ગામ સૈમલા ગુન્નૈર, હદૂદા, મખદૂમપુર અને ટિગરૂઆ ગામમાં યાદવ જાતિમાં ઓઢા ગોત્રના લોકો રહે છે. ત્યાં જ વૃદ્ધે જણાવ્યું કે લગભગ બે દશકો પહેલા એક બહેને ભાઈને રાખડી બાંધી હતી. ત્યાર બાદ ભાઈનું મોત થઈ ગયું. ત્યાર બાદ ફરી આ પરંપરા શરૂ કરવામાં આવી પરંતુ એક મોટી ઘટનામાં ઘણા લોકોના જીવ જતા રહ્યા હતા. સતત થઈ રહેલી દુર્ઘટનાના કારણે લોકો કોઈ અનહોનીથી ડરીને રક્ષાબંધન નથી ઉજવતા. બહજોઈ વિસ્તારના ચાટવન ગામમાં પણ ભાઈઓના કાંડા સુના રહી જાય છે. અહીં પણ બાકિયા ગોત્રના યાદવ રહે છે.