ઉત્તર પ્રદેશમાં વિધાનસભા ચૂંટણીના પરિણામ બાદ રાજ્યમાં મોટો રાજકીય ઉલટફેર થવાની સંભાવના દેખાઈ રહી છે. સપા ગઠબંધનમાં ચૂંટણી લડેલી આ પાર્ટી ભાજપ સાથે સત્તામાં જોડાઈ શકે છે.
યુપીમાં યોગી સરકાર ફરી વાર સત્તામાં આવી
યુપીના રાજકારણમાં મોટો ફેરફાર થશે
ઓમપ્રકાશ રાજભર એનડીએમાં જોડાઈ શકે છે
ઉત્તર પ્રદેશમાં વિધાનસભા ચૂંટણીના પરિણામ બાદ રાજ્યમાં મોટો રાજકીય ઉલટફેર થવાની સંભાવના દેખાઈ રહી છે. મીડિયા રિપોર્ટમાં જણાવ્યા અનુસાર યુપીમાં સમાજવાદી પાર્ટી સાથે ચૂંટણી લડનારા અને છ સીટો પર જીત મેળવનારા ઓમપ્રકાશ રાજભરની પાર્ટી સુહેલદેવ ભારતીય સમાજ પાર્ટી હવે એનડીએમાં સામેલ થઈ શકે છે. ચર્ચા એવી છે કે, રાજભારને યોગી આદિત્યનાથની નવી સરકારમાં જગ્યા મળી શકે છે. અહીં ઉલ્લેખનીય છે કે, રાજભર પહેલા પણ યોગી કેબિનેટમાં મંત્રી રહી ચુક્યા છે અને ભાજપથી નારાજ થયા બાદ તેમણે અખિલેશ યાદવની સમાજવાદી પાર્ટી સાથે ગઠબંધન કરીને વિધાનસભા ચૂંટણી લડી હતી.
અમિત શાહ સાથે મુલાકાત કરી હોવાનો દાવો
હકીકતમાં જોઈએ તો, રાજ્યમાં ચૂંટણી પરિણામ બાદ ઓપી રાજભરની શાન થોડે ઘણે અંશે ઠેકાણે આવી છે. જ્યારે તે ચૂંટણી પ્રચાર દરમિયાન ભાજપને સરકારમાંથી હટાવાના દાવા કરતા હતા. જો કે, સપા સાથે ગઠબંધન કરવાનો રાજભરને કોઈ ફાયદો થયો નથી અને તે ખાલી 6 સીટો પર જ જીતી મેળવી શક્યા. તો વળી હવે એવા અહેવાલ આવી રહ્યા છે કે, ઓમપ્રકાશ રાજભાર એનડીએમાં સામેલ થઈ શકે છે. કહેવાય છે કે, ઓમપ્રકાશ રાજભરની અમિત શાહ, ધર્મેન્દ્ર પ્રધાન, અને સુનિલ બંસલ સાથે મુલાકાત થઈ ચુકી છે.
યોગી કેબિનેટમાં મળી શકે છે જગ્યા
તો વળી ચર્ચા છે કે, સુભાસપાને થોડા દિવસમાં રાજ્યની નવી સરકારમાં જગ્યા મળી શકે છે. તેમને કેબિનેટમાં જગ્યા મળી શકે છે. મીડિયા રિપોર્ટ્સમાં જણાવ્યા અનુસાર ઓમપ્રકાશ રાજભરની 18 માર્ચે અમિત શાહ, ધર્મેન્દ્ર પ્રધાન અને સુનીલ બંસ સાથે બેઠક થઈ ચુકી છે. આ બેઠક લગભગ એક કલાક સુધી ચાલી હતી. જો કે, હજૂ સુધી કોઈએ આ બેઠકની પુષ્ટિ કરી નથી. ન તો તેને લઈને કોઈ નિવેદન આવ્યું છે.
એસપી સાથે ગઠબંધનમાં લડ્યા હતા ચૂંટણી
ભાજપ સાથે ગઠબંધન તોડીને રાજભર સાથે કેટલાય ભાજપના નેતાઓની બેઠક અને મુલાકાતો થઈ પણ તેઓનું ભાજપ સાથે ગઠબંધન થઈ શક્યું નહીં અને રાજભર સમાજવાદી પાર્ટી ગઠબંધનમાં જોડાઈ ગયા. આ ચૂંટણીમાં તેમની પાર્ટીએ છ સીટો પર જીત મેળવી છે. જો કે, રાજભરને વધારે સીટો મળવાની આશા હતી. પણ સુભાસપાના કારણે સમાજવાદી પાર્ટીને પૂર્વાંચલમાં વધારે સીટો મળી.