ગેંગરેપ / હાથરસની પીડિતાનાં ભાઈએ કહ્યું, ‘બહેન બેહોશ પડી હતી, પોલીસે કહ્યું, ‘આને લઈ જાવ, બહાનું કાઢીને પડી છે’

• પીડિતા જમીન પર રડી હતી પોલીસે એમ્બ્યુલન્શ ન બોલાવી
• પોલીસકર્મીઓએ કહ્યું કે આને અહીંથી લઈ જાવ બહાનું બનાવીને પડી છે
• યોગી સરકાર પરિવારને 10 લાખના વળતરની જાહેરાત કરી છે

ગામમાં પોલીસ ફોર્સ તૈનાત કરવામાં આવી છે. પીડિતાના ભાઈએ પોલીસની કામગીરી પર સવાલ ઉઠાવ્યા છે. એક ચેનલ સાથે વાત કરતા પીડિતાના ભાઈએ કહ્યું કે ઘટના બાદ મારી બહેન જમીન પર ખૂશથી લથપથ પડી હતી. પોલીસે એમ્બ્યુલન્શ ન બોલાવી. પોલીસકર્મીઓએ કહ્યું કે આને અહીંથી લઈ જાવ બહાનું બનાવીને પડી છે.

પીડિતાના ભાઈએ કહ્યું કે 10થી 15 દિવસ સુધી બહેનનું બ્લીડિંગ રોકાઈ નહોતું રહ્યું. 22 સપ્ટેમ્બર બાદ તેને સારી સારવારની જરુર હતી. તેની સાથે લાપરવાહી વર્તવામાં આવી હતી. તેની સારી સારવાર કરવામાં આવી નહોતી. તેણે કહ્યું કે પોલીસે ફરિયાદ નોંધવામાં 8-10નો સમય લઈ લીધો. દબાણ બાદ જ્યારે પોલીસે રિપોર્ટ દાખલ કર્યો ત્યારે એક આરોપીને પકડે બીજાને છોડી દેતી હતી. ઘરના પ્રદર્શન બાદ આગળની કાર્યવાહી ઝડપી કરી છે. તમામ આરોપીઓ આ ઘટનાના 10-12 દિવસ પછી પકડાયા છે.  યોગી સરકાર પરિવારને 10 લાખના વળતરની જાહેરાત કરી છે. પરિવારે આરોપીઓને ફાંસીની સજા કરવાની માંગ કરી છે.

UPના હાથરસમાં યુવતી પર ગેંગરેપના મામલામાં પીડિતાનું સફદરજંગ હોસ્પિટલમાં અવસાન થયું છે.  યુવતીના સંબંધીઓએ આ વાતની પુષ્ટિ કરી છે. 15 દિવસ પહેલા  14 સપ્ટેમ્બરના રોજ હાથરસમાં યુવતી પર ગેંગ રેપ થયો હતો. 4 આરોપીઓએ યુવતી સાથે ક્રૂરતા પૂર્વક દુષ્કર્મ આચર્યું હતું. યુવતીને અત્યંત ગંભીર હાલતમાં હોસ્પિટલ દાખલ કરાઈ હતી.  હોસ્પિટલમાં સારવાર દરમિયાન યુવતીએ જીવ ગુમાવ્યો છે. 

ઘટનાની જાણ કોઈને ન કરી શકે તે માટે નરાધમોએ તેની કરોડરજ્જુ તોડી નાંખ્યો હતો. તેની જીભ પણ કાપી નાંખી બર્બરતા આચરી હતી.  ઉલ્લેખનીય છે કે પીડિતાએ ચાર આરોપીઓની ઓળખ કરી છે. રામુ, લવકુશ, રવિ અને સંદીપ નામના નરાધમોની ઓળખ કરાઈ છે.