સહાય / યૂપી સરકારે ખેડૂતો માટે લોન્ચ કરી નવી યોજના, મળશે આ મોટો લાભ

• ઉત્તરપ્રદેશ સરકારે ખેડૂતો માટે જાહેર કરી યોજના
• મુખ્યમંત્રી કૃષક દુર્ઘટના કલ્યાણ યોજના લોન્ચ કરી 
• ખેતરમાં ખેડૂતને ઈજા કે મોત થાય તો કરશે 5 લાખ રૂ. સુધીની મદદ 

મંગળવારે યોજાયેલી કેબિનેટની મિટીંગમાં આ નિર્ણય લેવામાં આવ્યો હતો. જેના આધારે ખેડૂતોને મુખ્યમંત્રી કૃશક દુર્ઘટના કલ્યાણ યોજનાના આધારે દુર્ઘટનામાં મોત કે દિવ્યાંગ થવા પર સરકાર મદદ કરશે. આ યોજના મુજબ ખેતરમાં કામ કરતી વખતે અકસ્માત દરમિયાન ખેડૂત અથવા તેના પરિવારના કોઈ સભ્યના મોત માટે પાંચ લાખ રૂપિયા આપવામાં આવશે. આ સિવાય ખેડૂત અથવા તેનો પરિવાર 60 ટકાથી વધુ વિકલાંગ હોય તો બે લાખ રૂપિયાની રકમ આપવામાં આવશે. તેમાં 18 થી 70 વર્ષના ખેડૂતો અને તેમના પરિવારના સભ્યો સામેલ હશે. આ યોજના 14 સપ્ટેમ્બર 2019થી લાગુ થયેલી ગણાશે.

आज की #UPCabinet में लिए गए महत्वपूर्ण फैसले। @UPGovt @BJP4India @BJP4UP pic.twitter.com/ioEXWyDw4A

— Shrikant Sharma (@ptshrikant) January 21, 2020

લગભગ અઢી કરોડ ખેડૂતોને મળશે આ યોજનાનો લાભ

પ્રદેશમાં આ યોજનાથી લગભગ 2 કરોડ 38 લાખ 22 હજાર ખેડૂતો લાભ મેળવશે. મંત્રીમંડળની બેઠક બાદ મળતી માહિતીમાં જણાવાયું કે આ યોજનાના આધારે પ્રદેશના સીમાંત ખેડૂત, નાના ખેડૂતો, મધ્યમ ખેડૂતો અને મોટા ખેડૂતો દરેકને લાભ મળશે.

કેબિનેટ મીટિંગમાં કુલ 13 નિર્ણય લેવામાં આવ્યા હતા. આ સાથે જ 2020-21 માટે નવી આબકારી નીતિ પણ જાહેર કરવામાં આવી. જેના આધારે નવા લાયસન્સ નિયમ - દેશ દારૂને માટે 10 ટકા, વિદેશી દારૂ માટે 20 ટકા અને બિયર માટે 15 ટકાનો વધારો કરવામાં આવ્યો છે.