રદ્દ / અદાણી ગ્રુપનું ટેન્શન હાઇ, ઉત્તરપ્રદેશથી મળ્યો મોટો ફટકો, 5400 કરોડનું આ મહત્વનું ટેન્ડર થયું કેન્સલ

• અદાણી ગ્રૂપે સૌથી નીચી બિડ મૂકી હતી
• જીએમઆર,એલએન્ડ ટી અને ઈંટેલિસ્માર્ટ ઈન્ફ્રા પણ આ રેસમાં  હતું
• "ટેન્ડર સ્ટેન્ડ અનિવાર્ય કારણોસર રદ કરવામાં આવ્યું છે."

ઉત્તર પ્રદેશના ઉર્જા ક્ષેત્રમાં અદાણી ગ્રુપને ખૂબ જ મોટો ઝટકો લાગ્યો છે. ઉત્તર પ્રદેશ વિજળી યુટિલિટી મધ્યાંચલ વિદ્યુત વિતરણ નિગમ (MVVNL)એ 7.5 મિલિયન સ્માર્ટ મીટરના સપ્લાય માટે અદાણી ગ્રુપનું ટેન્ડર રદ કર્યું છે. આશરે રૂ. 5,400 કરોડના સ્માર્ટ મીટર વીજળી વિતરણ કંપની (ડિસ્કોમ) દ્વારા સ્થાપિત કરવાના હતા. સૂત્રોના જણાવ્યા અનુસાર અદાણી ગ્રૂપે સૌથી નીચી બિડ મૂકી હતી, છતાં ડિસ્કોમે અનિવાર્ય કારણોસર તેને રદ કરી હતી.

સંયુક્ત બિડનું મૂલ્ય રૂ. 25,000 કરોડ આંકવામાં આવ્યું હતું
મીડિયા રિપોર્ટ અનુસાર, મધ્યાંચલ, દક્ષિણચલ, પૂર્વાંચલ અને પશ્ચિમાંચલ સહિત યુપી ડિસ્કોમે વિવિધ પ્રદેશોનું પ્રતિનિધિત્વ કરતા 25 મિલિયનથી વધુ સ્માર્ટ મીટરના સપ્લાય માટે ટેન્ડર બહાર પાડ્યા હતા. સંયુક્ત બિડનું મૂલ્ય રૂ. 25,000 કરોડ આંકવામાં આવ્યું હતું. અદાણી ઉપરાંત જીએમઆર,એલએન્ડ ટી અને ઈંટેલિસ્માર્ટ ઈન્ફ્રા પણ આ રેસમાં હતું. ઈન્ટેલિસ્માર્ટ ઈન્ફ્રાએ એનર્જી એફિશિયન્સી સર્વિસીસ (EESL) અને નેશનલ ઈન્વેસ્ટમેન્ટ એન્ડ ઈન્ફ્રાસ્ટ્રક્ચર ફંડ (NIIF)ની સંયુક્ત સાહસ કંપની છે.

અદાણી ગ્રુપે 10 હજાર રૂપિયાનો રેટ લગાવ્યો
કન્ઝ્યુમર કાઉન્સિલના પ્રમુખ અવધેશ વર્માએ દાવો કર્યો હતો કે મીટરનું  6000 રુપિયામાં પડી રહ્યું છે, જ્યારે અદાણી ગ્રુપે 10,000નો ભાવ લગાવ્યે હતો. જેની સામે વાંધો હતો. હવે તેમનું ટેન્ડર રદ કરવામાં આવ્યું છે. મીટર પરનો દર 48 ટકાથી વધારીને 65 ટકા કરવામાં આવ્યો હતો. રૂરલ ઇલેક્ટ્રિફિકેશન કોર્પોરેશનની સ્ટેન્ડિંગ બિલિંગ ગાઇડલાઇન હેઠળ પ્રતિ મીટર રૂ. 6,000ના ખર્ચને ધ્યાનમાં રાખીને આને કથિત રીતે ઊંચું ગણવામાં આવ્યું હતું.

એમવીવીએનએલએ એમવીવીએનએલમાં સ્માર્ટ પ્રીપેડ મીટરિંગ માટે એડવાન્સ મીટરિંગ ઈન્ફ્રાસ્ટ્રક્ચર (AMI) સર્વિસ પ્રોવાઈડરની નિમણૂક માટે ઈ-ટેન્ડર આમંત્રિત કર્યા હતા. 4 ફેબ્રુઆરીના રોજના તેના નોટિફિકેશનમાં એમવીવીએનએલએ જણાવ્યું હતું કે, "ટેન્ડર સ્ટેન્ડ અનિવાર્ય કારણોસર રદ કરવામાં આવ્યું છે." હવે, ડિસ્કોમ્સ નવી ટેન્ડર પ્રક્રિયાને પસંદ કરે તેવી શક્યતા છે.

UPERC સમક્ષ ટેન્ડરને પડકારવામાં આવ્યું   
રસપ્રદ વાત એ છે કે, ટેન્ડર મેળવવા માટે રેસમાં રહેલી કુલ ચાર ખાનગી કંપનીઓમાંથી કોઈ પણ કંપની સ્માર્ટ મીટરના ઉત્પાદકો નથી. તેઓએ કોન્ટ્રાક્ટ જીત્યા પછી મેન્યુફેક્ચરિંગ સબલેટ કર્યું હશે. આ દરમિયાન, યુપી ઈલેક્ટ્રીસીટી કન્ઝ્યુમર ફોરમે પહેલાથી જ યુપી ઈલેક્ટ્રિસિટી રેગ્યુલેટરી કમિશન ( UPERC) સમક્ષ ટેન્ડરને પહેલેથી જ પડકાર્યું છે.  તેઓનો આરોપ છે કે સ્માર્ટ મીટર માટે વધુ કિંમત જણાવવામાં આવી રહી છે.