કોરોનામાં સંજીવની મનાઈ રહેલી રેમડેસિવિર ઈન્જેક્શનની કાળાબજારી તેજ થઈ ગઈ છે.
ઈન્જેક્શનની કાળાબજારી તેજ થઈ
ત્રણેયની પાસેથી લગભગ 265 ઈન્જેક્શન મળ્યા
આરોપની બાતમીના આધારે વધુ એક આરોપની ધરપકડ
ઈન્જેક્શનની કાળાબજારી તેજ થઈ
કોરોનાના વધતા કેસની વચ્ચે રેમડેસિવિર ઈન્જેક્શનની કાળાબજારી તેજ થઈ ગઈ છે. આ દવા કોરોનામાં સંજીવની મનાઈ રહી છે જેનો ફાયદો કાળાબજારી કરનારા ઉઠાવી રહ્યા છે.
ત્રણેયની પાસેથી લગભગ 265 ઈન્જેક્શન મળ્યા
હકિકતમાં દેશભરમાં કોરોનાના વધતા કેસથી લોકો ડરેલા છે. તેવામાં રસીની વધતી માંગમાં અનેક શહેરોમાં આની અછત સર્જાઈ છે. રસીની અછતથી તંગ શહેરોમાં કાનપુરનું પણ નામ સામેલ છે. પરંતુ જ્યારે શહેરમાં ગુરુવારે સાંજે એસટીએફની કાનપુર યુનિટને બ્લેક માર્કેટિંગ કરનારાની જાણકારી મળી તો પોલીસ કાફલો એલર્ટ મોડ પર આવી ગયો. એસટીએફ અને બાબૂપુરવા પોલીસે 3 બદમાશોને કિદવઈનગર ચાર રસ્તા પાસે ઝડપી પાડ્યા છે. ત્રણેયની પાસેથી લગભગ 265 ઈન્જેક્શન મળી આવ્યા છે.
માહિતીના આધારે સચિન કુમારને પણ ઝડપી પાડવામાં આવ્યો
મિલિટ્રી ઈન્ટેલિજેન્સ યુનિટ, લખનૌ અને યુપી એસટીએફને જાણકારી આપવામાં આવી છે કે કાનપુર રેમડેસિવિર ઈન્જેક્શનની કાળાબજારી થઈ રહી છે. જે બાદ કાનપુરના લોકલ પોલીસની સાથે મળીને 3 લોકોને પકડી પાડવામાં આવ્યા છે. જેમની પાસે 265 વાઈલ્સ ઈન્જેક્શન મળી આવ્યા છે. ડીસીપી સાઉથ રવીના ત્યાગીએ ઈન્જેક્શનની કાળા બજારીમાં સામેલ આરોપીઓના નામ જણાવ્યા છે. તેમણે કહ્યું કે નૌબસ્તા પશુપતિ નગરના રહેવાસી પ્રશાંત શુક્લ, નૌબસ્તા બકટોરી પુરવા રેહવાસી મોહન સોનીને પકડવામાં આવ્યા છે. તેમણે આપેલી માહિતીના આધારે યમુના નગર હરિયાણાના રહેવાસી સચિન કુમારને પણ ઝડપી પાડવામાં આવ્યો છે.
ખુલે આમ તેની કાળાબજારી કરી રહ્યા છે
ઉલ્લેખનીય છે કે કોરોનાના કેસ વધવાની સાથે રેમડેસિવિર ઈન્જેક્શનની અછત સર્જાઈ છે. અછતને જોતા યુપીના સીએમ યોગીએ પોતે પહેલ કરી અને પોતોનું વિમાન મોકલીને રેમડેસિવિર ઈન્જેક્શનના 25 હજાર ડોઝ મંગાવ્યા છે પરંતુ આ કાળાબજારી કરનારા ખુલે આમ તેની કાળાબજારી કરી રહ્યા છે.