ઉત્તરપ્રદેશઃ ભદોહીમાં મકાનમાં વિસ્ફોટ, 10 લોકોના મોત, ચાર લોકો દાઝ્યા

ઉત્તર પ્રદેશના ભદોહીમાં મકાનમાં વિસ્ફોટ થતાં 10 લોકોના મોત થયા. ચાર લોકો ગંભીર રીતે દાઝ્યા. મકાનમાં વિસ્ફોટ થતાં મકાન ધરાશાયી થયું હતુ. જેના કારણે કેટલાક લોકો કાટમાળમાં દટાયા હતા.

સ્થાનિકોનું કહેવું છે કે,મકાનમાં ગેરકાયદે ફટાકડા બનાવાતા હતા. બીજી તરફ વિસ્ફોટના પગલે સમગ્ર વિસ્તારમાં દોડધામ મચી ગઈ હતી. ધમાકાનો અવાજ એટલો જોરદાર હતો કે દૂર સુધી તેનો અવાજ સંભળાયો.

તો બનાવની જાણ થતાં જ ફાયર વિભાગ અને પોલીસ સહિતની ટીમ ઘટનાસ્થળે પહોંચી અને બચાવ કામગીરી શરૂ કરી હતી. ઈજાગ્રસ્તોને તાત્કાલિક હોસ્પિટલ ખસેડ્યા હતા.