અકસ્માત / યૂપીમાં સિલિન્ડર ફાટવાથી 3 મકાનો ધરાશાયી, 11ના મોત, 15 ઘાયલ

• ઉત્તરપ્રદેશના મઉમાં સિલેન્ડરમાં બ્લાસ્ટ થયો 
• સિલેન્ડરમાં બ્લાસ્ટ થતાં 11 લોકોના મોત
• 15થી વધુ લોકો ગંભીર રીતે ઘાયલ
• સિલેન્ડરમાં બ્લાસ્ટ થતાં 3 મકાનો થયા જમીનદોસ્ત
• અનેક લોકો કાટમાળમાં દબાયાની આશંકા

ઉત્તરપ્રદેશના મઉના મુહમ્મદાબાગ ગોહના વિસ્તારમાં વહેલી સવારે સિલિન્ડર ફાટવાની ઘટના બની હતી. જેના કારણે 3 મકાનો જમીન દોસ્ત થયા છે. મકાનના કાટમાળમાં 11 લોકોના મોત થયા હોવાનું જાણવા મળી રહ્યું છે તો 15થી વધુ લોકો ઈજાગ્રસ્ત થયા છે. આ ઉપરાંત કાટમાળમાં પણ અનેક લોકો દબાયા હોવાનું જાણવા મળી રહ્યું છે. 

7 dead and 15 injured after a two-storey building collapsed following a cylinder blast at a home in Mohammadabad, Mau. Several feared trapped. More details awaited. pic.twitter.com/cFr7Q0pEr4

— ANI UP (@ANINewsUP) October 14, 2019

પોલિસ અને એમ્બ્યુલન્સ પહોંચ્યા ઘટનાસ્થળે

સોમવારે વહેલી સવારે 6.45 મિનિટે આ બ્લાસ્ટની સૂચના પોલિસ અધિકારીઓને આપવામાં આવી હતી. જેના પગલે તેઓ લગભગ 15થી વધારે એમ્બ્યુલન્સ સાથે સ્થળ પર પહોંચ્યા હતા. જે મકાનો ધ્વંસ થયા હતા તેની ગલી નાની હોવાના કારણે મકાનનો કાટમાળ હટાવવામાં પણ મુશ્કેલી આવી રહી હતી. 

આ રીતે બની ઘટના

ઉલ્લેખનીય છે કે વલદીપુર નગરના સંગતજીની પાસે છોટૂ વિશ્વકર્માના ઘરમાં સવારે સિલિન્ડરમાં આગ લાગી હતી. સિલિન્ડરમાં આગ લાગવાની જાણ થતાં જ આસપાસના લોકો પણ મદદ માટે પહોંચી ચૂક્યા હતા. આ સમયે અચાનક મોટો બ્લાસ્ટ થયો અને આખું મકાન જ ધ્વંસ થઈ ગયું. 

મકાનમાં થયેલા આ બ્લાસ્ટને પગલે 11 લોકો મોતને ભેટ્યા છે. 15થી વધુ લોકો ઈજાગ્રસ્ત થયા હોવાનું જાણવા મળી રહ્યું છે. બચાવ કાર્ય અને રાહત કાર્ય ચાલી રહ્યું છે અને લાશને બહાર કાઢવામાં આવી રહી છે. ઈજાગ્રસ્તોને હોસ્પિટલ પહોંચાડવામાં આવ્યા છે.