કરૂણતા / માતાને ઘરમાં બંધ કરીને ફરવા નીકળી ગયો દીકરો, પછી જે થયું તે જાણી રુંવાટા ઉભા થઇ જશે

• ઉત્તર પ્રદેશમાં દીકરાઓ માનવતા નેવે મુકી
• માતાને ઘરમાં બંધ કરીને ચાલ્યો ગયો ફરવા
• દીકરી અચાનક પહોંચી ઘરે 

આ ઘટનાનો વીડિયો પણ ચર્ચાનો વિષય બન્યો હતો. મળતી માહિતી મુજબ, મહોલ્લા શેરખાનમાં રહેતી 90 વર્ષીય અસગરી તેના પુત્ર જલાલુદ્દીન સાથે રહેતી હતી. એવું કહેવામાં આવી રહ્યું છે કે જલાલુદ્દીન તેની વૃદ્ધ માતાને ઘરમાં બંધ કરી પરિવાર સાથે મોજ-મસ્તી કરવા માટે નીકળી ગયો હતો. 

વૃદ્ધ માતા 10 દિવસ ઘરમાં રહી બંધ 

વૃદ્ધ માતા 10 દિવસ સુધી ઘરમાં ભૂખ્યા અને તરસ્યા રહ્યા. અસગરીની પુત્રીનું ડરામણું સ્વપ્ન અને જ્યારે તેના ઘરની યાદ આવી ત્યારે તેણી માતાના ઘરે પહોંચી હતી. 

દીકરીએ નોઁધાવી ફરિયાદ 

ઘરમાં ભૂખ સંતોષવા માટે વૃદ્ધ મહિલા ડબ્બામાંથી મરચા ખાઈ રહી હતી અને તે ખાઇને જીવન પસાર કરી રહી હતી. ઓરડામાં બધું અવ્યવસ્થિત હતું. આ જોઈને દીકરી રડવા લાગી હતી. પડોશીઓએ વૃદ્ધ મહિલાને ખવડાવી અને પછી તે થોડી સામાન્ય થઈ ગઈ. પુત્રીએ આ ઘટના અંગે પોલીસમાં ફરિયાદ કરી છે. પોલીસે પુત્રીની ફરિયાદના આધારે જલાલુદ્દીન, તેની પત્ની અતિકા અંજુમ અને તેની પુત્રીઓ સાયમા અને સના જમાલ વિરુદ્ધ સંબંધિત ગુનો નોંધાવ્યો છે.