સ્ક્રેપ પોલિસી લાગુ કરનાર ઉત્તર પ્રદેશ દેશનું પ્રથમ રાજ્ય બન્યું છે.
ઉત્તર પ્રદેશમાં લાગૂ થઈ સ્ક્રેપ પોલીસી
15 વર્ષ જૂના વાહનો પર લાગશે રોક
વાહન જપ્ત થઈને માલિકને સરકાર ચૂકવશે પૈસા
આ પછી હવે રાજ્યમાં જે વાહનો નિયત વયમર્યાદા પૂર્ણ કરી ચૂક્યા છે તે વાહનચાલકોમાં ફફડાટ જોવા મળ્યો છે . ચેકીંગ સ્કવોડ આવા ખંડેર અને અનફીટ વાહનોને જપ્ત કરી સ્ક્રેપ સેન્ટરને સોંપશે. સ્ક્રેપ સેન્ટર સુધી પહોંચતા વાહનોની વાજબી કિંમત તેમના માલિકોને આપવામાં આવશે.
નવી નીતિના ફાયદા અને ગેરફાયદા
લખનૌના ટ્રાન્સપોર્ટ કમિશનરે આ નીતિને યુપીમાં તાત્કાલિક અસરથી લાગુ કરી છે. આ પોલિસી હેઠળ હવે 15 વર્ષ જૂના પેટ્રોલ અને 10 વર્ષ જૂના ડીઝલ વાહનો ફિટનેસ વિના રસ્તા પર દોડી શકશે નહીં. જો આવા વાહનો ફિટનેસ વગર પકડાશે તો એન્ફોર્સમેન્ટ સ્કવોડ તેને જપ્ત કરશે અને તેને અયોગ્ય ગણીને સ્ક્રેપ સેન્ટરને સોંપશે.
આ નીતિના અમલ બાદ રાજ્યભરમાં સ્ક્રેપ સેન્ટરો ખોલવામાં આવશે. અહીં માલિકો પકડાયેલા વાહનોને સોંપીને પ્રમાણપત્ર લઈ શકશે અને તેમને તેમના વાહનોની યોગ્ય કિંમત પણ મળશે. આ નીતિના અમલથી વાહન સંબંધિત ગુનાઓમાં પણ ઘટાડો થશે. સ્ક્રેપ સેન્ટર ત્રણ એકર સુધીનું હશે.
ક્યાં અને કેવી રીતે અરજી કરવી
આ નીતિના અમલ પછી, છોડવામાં આવેલા વાહનની કુલ કિંમતના છ ટકા રોકડ નાણાં હશે. એક સર્ટિફિકેટ મળશે, જે દર્શાવે છે કે વાહનની ખરીદી પર પાંચ ટકા ટેક્સમાં પણ છૂટ મળશે.
પરિવહન વિભાગના જણાવ્યા અનુસાર, વિભાગની વેબસાઇટ પર વાહનને સ્ક્રેપ તરીકે જાહેર કરવા માટે છ પ્રકારના લોકો આ વેબસાઇટ www.ppe.nsws.gov.in/scrappagepolicy પર અરજી કરી શકશે. વાહનવ્યવહાર વિભાગે ઓનલાઈન નોંધણી શરૂ કરી છે. આમાં કોઈપણ વ્યક્તિ, પેઢી, સંસ્થા, ટ્રસ્ટ વેબસાઈટ પર જઈને અરજી કરી શકે છે. અરજી કરતી વખતે રૂ.100ના સ્ટેમ્પ પર ચારિત્ર્ય પ્રમાણપત્ર સહિત અન્ય જરૂરી દસ્તાવેજો પણ અપલોડ કરવાના રહેશે.
આપણને શું ફરક પડશે?
ના એવું નથી. સરકારી વાહનોને જ જો 15 વર્ષથી જૂના હશે તો ફરજિયાત સ્ક્રેપ કરવામાં આવશે પણ 15 વર્ષથી જૂના ટ્રક જેવા હેવી કમર્શિયલ વાહનોને એક ફિટનેસ ટેસ્ટ આપવો પડશે. જો આ ફિટનેસ ટેસ્ટમાં એ પાસ થઈ જે તો તેને સ્ક્રેપ નહીં કરવામાં આવે. અન્યથા કરવા પડશે. આપણી કાર જેવા પ્રાઇવેટ વાહનો માટે 20 વર્ષ સમયગાળો છે ત્યાર બાદ તેમણે રી-રજીસ્ટ્રેશન કરાવવું પડશે. જો આ રી-રજીસ્ટ્રેશન થઈ જાય તો વાંધો નહીં આવે પણ જો એ નહીં થાય તો એ વાહનને સ્ક્રેપ કરવું પડશે. કારણ કે એને એન્ડ ઓફ લાઈફ વાહન ગણવામાં આવશે.