અમેરિકાના સૌથી ઉત્તરમાં આવેલા નગરમાં બુધવારે 1:30 વાગે સૂર્યાસ્ત થયો હતો.
સૌથી ઇન્ટરેસ્ટિંગ બાબત એ છે આ સૂર્યાસ્ત આ નગરનો 2020ના વર્ષનો છેલ્લો સૂર્યાસ્ત હતો. હવે અહીં પુરા 65 દિવસ સુધી સૂર્યોદય નહીં થાય. અહીંના નગરજનો 22 જાન્યુઆરી 2021 સુધી અંધકારમાં રહેશે.
વિચિત્ર વાત એ છે કે અહીં જયારે ફરી સૂર્યોદય થશે ત્યાં સુધી અમેરિકાના રાષ્ટ્રપ્રમુખ બદલાઈને જો બાયડન થઇ ગયા હશે. અમેરિકાના અલાસ્કા રાજ્યના Utqiaġvik નગરમાં પોલર લાઈટ એ દર વર્ષે થતી ઘટના છે. અહીં હવે 2 મહિના સુધી સૂર્ય ક્ષિતિજની નીચે જ રહેશે.
આ સૂર્યાસ્તનો એક સુંદર વીડિયો ત્યાંના એક સ્થાનિકે ઇન્સ્ટાગ્રામ ઉપર પોસ્ટ કર્યો હતો. તેણે કહ્યું કે આ દ્રશ્ય જોઈને તેની આંખ ભીંજાઈ ગઈ હતી પણ હવે તે શાંતિભર્યા અંધકારને માણવા તૈયાર છે.
શું છે પોલાર ડે અને પોલાર નાઈટ?
Utqiaġvik નગર આર્કટિકના ઉત્તર ધ્રુવની ખૂબ નજીક આવેલું છે. અહીં જયારે સૂર્યોદય થાય છે ત્યારે 2 મહિના સુધી સૂર્ય આથમતો નથી જેને પોલાર ડે કહે છે અને બીજી તરફ જયારે સૂર્યાસ્ત થાય છે ત્યારે 2 મહિના સુધી સૂર્ય ઉગતો નથી. આ લાંબી રાત્રીને પોલાર નાઈટ કહે છે.