રોજબરોજના જીવનમાં આપણે અનેક એવી સમસ્યાઓનો સામનો કરીએ છીએ જેના કારણે આપણે શરમ અનુભવવી પડે છે. પણ જો તમે સામાન્ય ઉપાયો જાણી લેશો તો તમે રોજિંદા જીવનની કોઈ પણ સમસ્યાઓથી રાહત મેળવી શકો છો. કીડીઓ, મચ્છરની સમસ્યા હોય કે પછી વાળમાં ચમક લાવવી હોય તો તમે આ નાના ઉપાયો અજમાવી શકો છો.
રોજિંદા જીવનમાં કામની છે આ ટિપ્સ
ઘરેલૂ ઉપાયો કરશે તમારી મદદ
સસ્તા ઉપાયોથી મેળવી શકશો રાહત
કપડાં ધોતી સમયે પાણીમાં થોડું મીઠું મિક્સ કરી લો. કપડાં સરળતાથી સાફ થશે અને સાથે જ તેમાં નવી ચમક પણ આવશે.
વાળમાં ચમક લાવવા માટે એક ટમ્બલર પાણી લો અને તેમાં વિનેગર મિક્સ કરો. આ પાણીથી વાળ સાફ કરો. વાળમાં નવી ચમક આવશે.
ઘરમાં મચ્છર વધી ગયા હોય તો તવા પર ફ્રાઈંગ પેનમાં થોડો કોફી પાવડર નાંખો અને શેકી લો. તેનો ધુમાડો રૂમમાં કરવાથી મચ્છર ભાગી જશે.
ઘરમાં કીડીઓ વધી ગઈ હોય તો તે જગ્યાએ હળદર, બોરીક પાવડર મિક્સ કરીને છાંટો. કીડીઓ ભાગી જશે.
જો તમે દાઝી ગયા હોવ તો તે સ્થાને તમે કેળાને સ્મેશ કરીને લગાવી લો. ફોલ્લા નહીં થાય અને ઠંડકથી રાહત મળશે.
બુક્સને કીડા મકોડાથી બચાવવા માટે તે કબાટમાં નાના ચંદનના ટુકડા રાખી લો. તમને રાહત મળશે.
રબર બેન્ડને લાંબા સમય સુધી એકસાથે રાખવામાં આવે તો તે ચોંટી જાય છે. તમે તે પેકેટમાં થોડો ટેલકમ પાવડર નાંખી દો. રબર બેન્ડ ચોંટશે નહીં.
જીભ પર ચાંદા પડે છે તો દિવસમાં 2થી 3 વાર કોથમીરના પાન ચાવવાથી પણ રાહત મળે છે.
તમારાથી ક્યાંય પણ તેલ કે ઘી ઢોળાઈ જાય છે તો તમે તેની પર કોરો લોટ છાંટી લો. થોડી મિનિટ બાદ તેને સાફ કરી લો. ચિકાશ ગાયબ થઈ જશે.