યુટિલિટી / ગેસના બર્નર કાળા થયા હોય કે ગેસ ધીમો ચાલતો હોય તો કરી લો 1 ઘરેલૂ ઉપાય, થશે ફાયદો

• ગેસના બર્નરને સાફ કરવાનો ઘરેલૂ ઉપાય
• વિનેગરથી ચમકાવો ગેસના બર્નર
• ગેસ બર્નરની ફ્લેમ સાફ કરવા તેને બ્રશથી સાફ કરો

રસોઈની સફાઈની સાથે રોજ જ ગેસના બર્નરને સાફ કરવા પણ જરૂરી છે. તેનો વધારે ઉપયોગ કરવાથી તે કાળા થઈ જાય છે. જો તમે તેને ઓછી મહેનતે સાફ કરવા ઈચ્છો છો તો તમે માર્કેટમાં મળતું વિનેગર લઈ આવો. તેની મદદથી બર્નર ઝડપથી સાફ થાય છે અને નવા જેવા ચમકે છે. 

આ રીતે કાળા બર્નરને કરો સાફ

માર્કેટમાં મળતું વિનેગર લાવો. અડધી વાટકી વિનેગરમાં 1 કપ પાણી મિક્સ કરી લો. હવે તેમાં આખી રાત માટે ગેસના બર્નરને ડૂબાડી રાથો. સવારે વાસણના બ્રશથી આ બર્નરને સાફ કરી લો. હવે તેને પાણીથી સારી રીતે ધોઈ લો અને ત્યારબાદ કપડાંથી લૂસીને સૂકાવવા દો. બર્નર નવા જેવા ચમકશે અને તેનો કચરો પણ સાફ થઈ જશે. 

આટલા રૂપિયામાં મળશે વિનેગર

માર્કેટમાં વિનેગર તમને 35 રૂપિયાનું અડધો લિટર મળે છે. જનરલ સ્ટોરમાંથી તમે તેને સરળતાથી ખરીદી શકો છો. આ સિવાય તમે તેને બાથરૂમની સફાઈમાં કે ડોલ અને ટમ્બલર સાફ કરવામાં પણ વાપરી શકો છો.