ચાલુ મેચમાં પાકિસ્તાની ક્રિકેકેટર ઉસ્માન શિનવારીનું હાર્ટએટેકને કારણે નિધન થતા ખેલાડીઓમાં શોકની લાગણી વ્યાપી હતી.
પાકિસ્તાની કોર્પોરેટ લીગની મેચમાં મોટી દુર્ઘટના
ફ્રાઈઝલેન્ડ ટીમના ખેલાડી ઉસ્માન શિનવારીને આવ્યો હાર્ટએટેક
ચક્કર ખાઈને ઢળી પડ્યો, હોસ્પિટલમાં થયું મોત, ખેલાડીઓમાં શોકની લાગણી
મોત તો વણનોતર્યો મહેમાન છે, ગમે ત્યારે આવી જાય. પાકિસ્તાનમાં ક્રિકેટની એક મેચ દરમિયાન હાર્ટએટેકને કારણે એક ખેલાડીના મોતની ઘટના બની છે. સાથી ખેલાડીઓનું આવું મોત થતા ખેલાડીઓ શોકાતુર થયા હતા.
ફ્રાઈઝલેન્ડના ખેલાડી ઉસ્માન શિનવારીનું મોત
પાકિસ્તાની કોર્પોરેટ લીગ હેઠળ લાહોરના ખ્યાતનામ જ્યુબલી ક્રિકેટ ગ્રાઉન્ડમાં રવિવારે બર્જર પેન્ટ્સ અને ફ્રાઈઝલેન્ડની વચ્ચે મેચ રમાતી હતી. બર્જર પેન્ટસની ઈનિંગ ચાલું હતું અને ફ્રાઈઝલેન્ડની ટીમ બોલિંગ નાખતી હતી. આ દરમિયાન ફિલ્ડર ઉસ્માન શિનવારી ચક્કર ખાઈને મેદાનમાં ઢળી પડ્યો હતો. તેને હાર્ટએટેક આવ્યો હતો. આ જોઈને મેદાનમાં રહેલા ખેલાડીઓ દોડયાં હતા અને શિનવારીને ભાનમાં લાવવાની કોશિશ કરવા લાગ્યા હતા. કોઈ પવન પણ નાખતું હતું. તેમ છતાં પણ તે ભાનમાં આવ્યો નહોતો અને તેને તાત્કાલિક એમ્બ્યુલન્સ દ્વારા હોસ્પિટલ લઈ જવાયો હતો જ્યાં ડોક્ટોએ તેને મૃત જાહેર કર્યો હતો. આ ઘટના બાદ ખેલાડીઓમાં ભારે શોકની લાગણી ફેલાઈ છે.
During a match between Burger Paints and Friesland , Usman Shinwari fell down due to heart attack and was brought to the hospital immediately where he couldn't survive. RIP pic.twitter.com/YKnnawSiTq
ઘટનાનો વીડિયો થયો વાયરલ
આ ઘટનાનો એક વીડિયો વાયરલ થયો છે જેમાં શિનવારીને ચક્કર ખાઈને ઢળતો જોઈ શકાય છે. મેદાનમાં તેને હાર્ટએટેક આવ્યો હતો જોકે તેને હોસ્પિટલ લઈ જતા મોડું થયું હતું. પડ્યાં બાદ તેને તરત હોસ્પિટલ લઈ જવાયો હોત તો તેનો જીવ બચી ગયો હોત.