સમિટ / USISPFની બેઠકમાં PM મોદીએ કહ્યું કે, દુનિયાનો ભારત પર ભરોસો વધ્યો, રોકાણ માટે બન્યું પહેલી પસંદ

• PM મોદીએ USISPFની ત્રીજી વાર્ષિક સમિટને સંબોધિત કરી
• દુનિયાનો ભારત પર ભરોસો વધ્યો, રોકાણ માટે બન્યું પહેલી પસંદઃ PM મોદી
• PPE કિટ બનાવવામાં ભારત બીજા નંબરેઃ PM મોદી

આ દરમિયાન પ્રધાનમંત્રી મોદીએ કહ્યું કે, કોરોના મહામારીએ એ પણ જણાવ્યું છે કે, ગ્લોબલ સપ્લાઈ ચેન માત્ર ખર્ચ પર આધારિત ન હોવી જોઇએ પરંતુ ભરોસા પર આધારિત હોવી જોઇએ. આ પ્રકારે તેમણે ઇશારામાં ચીન પર પ્રહાર કરતા દુનિયાને તેનાથી વાકેફ કરી.

કોઇએ વિચાર્યું હતું કે મહામારી આવશેઃ PM મોદી

પ્રધાનમંત્રી નરેન્દ્ર મોદીએ કહ્યું કે, જ્યારે 2020 શરૂ થઇ રહ્યું હતું તો કોઇએ વિચાર્યું ન હતું કે આવી મહામારી આવશે. જાન્યુઆરીમાં આપણી પાસે કોરોનાની 1 ટેસ્ટિંગ લેબ હતી, હવે દેશભરમાં 1600 ટેસ્ટિંગ લેબ છે. આપણે અહીં ડેથ રેટ દુનિયાભરના મુકાબલે ઓછો છે.

PPE કિટ બનાવવામાં ભારત બીજા નંબરેઃ PM મોદી

પ્રધાનમંત્રી નરેન્દ્ર મોદીએ કહ્યું કે, કોરોનાનો રિકવરી રેટ પણ ઝડપથી વધી રહ્યો છે. આપણી બિઝનેસ કમ્યુનિટી પણ સારુ કામ કરી રહી છે. આપણે હવે દુનિયાના બીજા સૌથી મોટા પીપીઈ કિટ નિર્માતા છીએ. છેલ્લા કેટલાક મહિનાઓમાં ભારતે કોરોના સિવાય 2-2 વાવાઝોડા, પુર અને તીડના હુમલા સહન કર્યા છે. ભારતમાં 80 કરોડ લોકોને ફ્રીમાં અનાજ આપવામાં આવી રહ્યું છે. ફ્રી કુકિંગ ગેસ 80 મિલિયન લોકોને આપવામાં આવી રહ્યું છે.

'કોરોના ભારતના લોકોની અપેક્ષાઓને અસરગ્રસ્ત ન કરી શકે'

પીએમએ કહ્યું કે, કોરોના મહામારી કેટલીક વસ્તુઓને પ્રભાવિત કરી છે, પરંતુ ભારતના લોકોની અપેક્ષાઓને આ પ્રભાવિત ન કરી શકી. હાલના મહિનાઓમાં ઘણા બધા સુધારાઓ આવ્યા છે. વિશ્વના સૌથી મોટા હાઉસિંગ પ્રોગ્રામ પર કામ ચાલી રહ્યું છે. રેલ, રોડ અને એ કનેક્ટિવિટીને વધારવામાં આવી રહી છે. ઇન્ફ્રાસ્ટ્રક્ચરના ક્ષેત્રમાં ઘણુ કામ થઇ રહ્યું છે. આપણે સારુ નાણાકિય ટેકનિકનો ઉપયોગ લોકો સુધી બેંકિંગ, ક્રેડિટ, ડિઝિટલ પેમેન્ટ અને ઇન્શ્યોરન્સની સુવિધા પહોંચાડવા માટે કરી રહ્યા છીએ. આપણી ટેક્સ સિસ્ટમ પારદર્શી છે.