લીંબુમાં એન્ટીબેક્ટેરિયલ, એન્ટીફંગલ અને એન્ટીડેન્ડ્રફ પ્રોપર્ટીઝ હોય છે. આમ તો લીંબુનો ઉપયોગ રસોઈથી લઈને ઘણી ઔષધીઓમાં પણ કરવામાં આવે છે. પણ શું તમે જાણો છો કે વાળ સંબંધી કેટલીક સમસ્યાઓમાં લીંબુનો નિયમિત પ્રયોગ વાળની ઘણી પ્રોબ્લેમ્સને કાયમી દૂર કરી શકે છે. જી હાં, લીંબુના આ ખાસ કારગર પ્રયોગ આજે જાણીને તમે પણ અપનાવો.
લીંબુના રસમાં ડુંગળીનો રસ અને દહીં મિક્સ કરી વાળમાં લગાવો. તેનાથી વાળ ખરતાં બંધ થશે.
લીંબુની છાલને વાળના મૂળમાં ઘસો. પછી 20 મિનિટ બાદ માથું ધોઈ લો. આનાથી વાળમાં ખુજલીની પ્રોબ્લેમ દૂર થશે.
લીંબુના રસમાં ઓલિવ ઓઈલ અને ઈંડુ મિક્સ કરી વાળમાં લગાવો. અડધા કલાક બાદ ધોઈ લો. વાળની ચમક વધશે.
લીંબુના રસમાં નારિયેળ તેલ મિક્સ કરી વાળના મૂળમાં લગાવો. ડેન્ડ્રફ ઝડપથી દૂર થશે.
લીંબુના રસમાં ઈંડુ મિક્સ કરી વાળમાં લગાવો. 1 કલાક બાદ ધોઈ લો. આનાથી વાળની ડ્રાયનેસ દૂર થશે.
લીંબુના રસમાં આમળાનું પાઉડર મિક્સ કરી વાળના મૂળમાં લગાવો. અડધા કલાક બાદ ધોઈ લો. વાળનો રંગ નેચરલી કાળો થશે.
નારિયેળ તેલમાં લીંબુનો રસ અને ચપટી કાળા મરીનો પાઉડર મિક્ષ કરી માથામાં લગાવો. આનાથી બેમુખવાળા વાળની પ્રોબ્લેમ દૂર થશે.