તમારા કામનું / કોઈ પણ ઓનલાઈન મીટિંગ એપ્સનો ઉપયોગ કરી રહ્યા છો તો આટલા પૈસા ભરવા પડશે, આ વાંચી લો નહીંતર

• ટ્રાઈ તરફથી ઓર્ડર આપવામાં આવ્યો છે 
• ઈન્ટરનેશનલ નંબરો સાથે કરતા પહેલા આઈએસડી રેટ આપવો પડશે
• ને યુઝર્સને કંપનીઓ તરફથી એસએમએસ મોકલ્યો છે

ટેલિકોમ રેગ્યુલેટરી ઓથોરિટી ઓફ ઈન્ડિયા(ટ્રાઈ) તરફથી ઓર્ડર આપવામાં આવ્યો છે કે યુઝર્સને ઓનલાઈન મીટિંગ એપ્સમાં મળનારા ડાયલ ઈન ફીચરનો ઉપયોગ ઈન્ટરનેશનલ નંબરો સાથે કરતા પહેલા આઈએસડી રેટ આપવો પડશે. ટેલિકોમ ઓપરેટર્સે સબ્સક્રાઈબર્સને આ વિશે વોર્નિંગ આપતા કહ્યું છે અને યુઝર્સને કંપનીઓ તરફથી એસએમએસ મોકલ્યો છે.

ટ્રાઈ અને ટેલિકોમ કંપનીઓ પાસે ફરિયાદ આવી છે કે વર્ક ફ્રોમ હોમ કરતા સમયે કેટલાક યુઝર્સનું બિલ વધારે આવી રહ્યું છે. એક ટેલિકોમ એક્ઝિક્યૂટિવે કહ્યું કે જો લેપટોપ અથવા ડેસ્ટોપથી લોગિન કર્યા બાદ યુઝર્સ બિલ્ટ ઈન ઓડિયોનો ઉપયોગ કરે છે તો કોઈ પ્રોબ્લેમ નથી. ત્યારે કેટલાક સર્વિસિઝ સેલ્યુલર નેટવર્કનો ઉપયોગ ઓડિયો માટે કરે છે અને આ માટે આઈએસડી રેટ ચૂકવવા પડશે.

છેલ્લા 6 મહિનામાં વીડિયો કોલિંગ અને ઓનલાઈન મીટિંગની જરુરિયાત વધી છે અને એવામાં એપ્સ ડાઉનલોડ અને તેનેો ઉપયોગ પણ અનેક ગણો થયો છે. ભારતી એરટેલ તરફથી યુએસ બેઝ ટેલિકોમ ઓપરેટિંગ વેરિજોનની સાથે મળીને બ્લૂ જિન્સ લોન્ચ કરવામાં આવી છે. રિલાયન્સ જિયો પણ માઈક્રોસોફ્ટ ટીમ્સ, ગૂગલ મીટ અને ઝૂમ જેવી પોપ્યૂલર પ્લેટફોર્મ્સને ટક્કર આપવા માટે જિયો મીટ પ્લેટફોર્મ લઈને આવ્યું છે.