જો તમને એવું લાગતું હોય કે ફોનમાં કોઈ નંબરનો ઉપયોગ કરવા માટે સિમ કાર્ડ લગાવવું જરૂરી છે તો તમને જણાવી દઈએ કે, દુનિયાભરની ઘણી કંપનીઓ પોતાના યુઝર્સને eSIM સર્વિસ ઓફર કરે છે. આ સર્વિસની મદદથી કોઈ ફિઝિકલ સિમ કાર્ડ વિના ફોન નંબરનો ઉપયોગ કરી શકાય છે. ત્યારે હવે વોડાફોન આઈડિયાએ ભારતમાં પોસ્ટપેડ યુઝર્સ માટે આ સર્વિસ લઈને આવ્યું છે. જોકે, અમુક ડિવાઈસમાં જ eSIMની મદદથી વોડાફોનના નંબરનો ઉપયોગ કરી શકાશે.
વોડાફોન તેના ગ્રાહકો માટે લાવ્યું જોરદાર સુવિધા
હવે સિમ કાર્ડ વિના પણ કંપનીનો નંબર વાપરી શકાશે
કંપનીએ શરૂ કરી eSIM સર્વિસ
કંપનીએ eSIM સર્વિસ એનાઉન્સ કરવાની સાથે જણાવ્યું કે, આ નવી સર્વિસ એપલ ડિવાઈસ iPhone 11, iPhone 11 Pro, iPhone 11 Pro Max, iPhone SE, iPhone XS, iPhone XS Max અને iPhone XRમાં કામ કરશે. વોડાફોને કહ્યું કે, ટૂંક સમયમાં Samsung Galaxy Z Flip અને Galaxy Foldમાં પણ આ સર્વિસ સપોર્ટ કરશે.
અમુક સર્કલ્સમાં ઉપલબ્ધ
નવી eSIM સર્વિસ બધાં સર્કલમાં ઉપલબ્ધ નથી. હાલ મુંબઈ, દિલ્હી અને ગુજરાતના પોસ્ટપેડ યુઝર્સ માટે જ ઉપલબ્ધ છે. હકીકતમાં હાઈ એન્ડ ડિવાઈસમાં eSIM એક ઈન્ટીગ્રેટેડ સિમ ચિપ તરીકે કામ કરે છે. તેના માટે અલગથી કોઈ સિમ કાર્ડ ફોનમાં લગાવવાની જરૂર નથી. આ રીતે સિમકાર્ડ લગાવ્યા વિના જ કોલ, એસએમએસ અને મોબાઈલ ડેટા એક્સેસ કરી શકાય છે.
આ રીતે મેળવો eSIM સર્વિસ
યુઝર્સને પોતાનાથી નંબરથી ઈમેલ આઈડી લિંક કરવા માટે 'eSIM email id' લખીને 199 પર એસએમએસ મોકલવો પડશે.
ત્યારબાદ ઈમેલ આઈડી રજિસ્ટર થઈ જશે અને eSIM સર્વિસ લેવા માટે ESIMY લખી કન્ફર્મેશન એસએમએસ 199 પર મોકલવો પડશે.
પછી કન્ફર્મેશન એસએમએસ આવ્યા બાદ કોલ પર ઈ-સિમ માટે કંસેન્ટ આપવો પડશે.
આ પ્રોસેસ થવા પર રજિસ્ટર ઈમેલ આઈડી પર એક ક્યૂઆર કોડ આવશે.
પછી તમારા ડિવાઈસની સેટિંગમાં મોબાઈલ ડેટા અને એડ ડેટા પ્લાનમાં ગયા બાદ કોડ સ્કેન કરવાનો ઓપ્શન મળશે.
ઈમેલ પર મળેલાં કોડને સ્કેન કર્યા બાદ તમારે સ્ક્રીન પર આપેલાં ઈન્સ્ટ્રક્શન ફોલો કરવા પડશે.
આ દરમિયાન ફોન વાઈ-ફાઈ અથવા મોબાઈલ ડેટાથી કનેક્ટ હોવો જરૂરી છે અને તમારું ઈ-સિમ સેટઅપ થઈ જશે.
આ સાથે જ તમે વોડાફોનના સ્ટોર પર જઈને પણ ઈ-સિમ સર્વિસ એક્ટિવ કરાવી શકો છો.